Ustaxa

De Vicipedia

Ustaxa - Organiza revoluinte corvatsce (corvatsce: Ustaša - Hrvatska revolucionarna organizacija) ia es un promove nasionaliste corvastce fundida en 1929 par Ante Pavelić. Lo es un organiza faxiste, raziste, e teroriste, ativa, en sua forma orijinal entre 1929 e 1945. Sua membros ia mata centos de miles de serbsces, iudis, e romanis, plu oposantes political en Iugoslavia en la Gera Mundal Du.

La ideolojia de la promove ia es un misca de faxisme, catolicisme, e ultranasionalisme corvatsce. La Ustaxa ia suporta la crea de un Corvatsca Grande cual ta estende de la rio Drina a la borda con Beograd. La promove asentua la nesese per un Corvatsca razal pur e promove jenoside contra la serbsces, iudi, e romanis, e la persegue de corvatsces e bosnianes antifaxiste o oposante. Forte catolica, la Ustaxa ia promove catolicisme e islam como la relijios de corvatsces e bosnianes, e ia condena cristianisme ortodox, cual ia es la relijio xef de la serbsces. La Ustaxa ia vide la bosnianes como "corvatsces muslim", e como resulta los no ia es persegueda par causa de sua raza.

Cuando lo ia es fundida en 1930, lo ia es un organiza nasionaliste cual ia promove la crea de un stato corvatsce autonom. La promove ia opera como un organiza teroriste ante la Gera Mundal Du, ma en april 1941, lo ia es cargada con la rena de un parte de Iugoslavia ocupada par la Ase. Cuando la Ustaxa ia ateni potia en la NDH, un protejoria instituida par Italia faxiste e Deutxland nazi en la Gera Munda du, sua alas militar ia deveni la Armada de la Stato Autonom de Corvatsca e la militia ustaxa, ma los no ia reseta multe suporta.