Sopa rusce

De Vicipedia
Jump to navigation Jump to search
Russian stamp no 1029.jpg

La cosini rusce prende sua ricia e carater variosa de multe cultures e poplas ci abita lo, e ance de poplas frontera. Sua base es comedas de paisanes abitante en un clima comun sever. La cocedas es combinas de multe varias de pex, carne de avias cultivada, carne de xasa, xampiniones, bacas e miel. Sereales de segal, trigo, orzo, e milio servi la abunda grande de panes, crepes, gaxas, cvas, bir e vodka. Sopas saborosa e comedas de coce lenta e stufinte es ance un parte stonante de la cosina rusce.

Sopas[edita | edita la fonte]

Sopas sempre ia es un parte importante de la cosina rusce. En la sentenios 18-20, la spesies original de Europa e Asia, pe: sopas clar, pures, ragus e otras, ia es ajuntada a sopas tradisional rusce, pe: xi, borx, uha, rasolnic, solianca, botvinia, ocroxca (en rusce: щи, борщ, уха, рассольник, солянка, ботвинья, окрошка).

La sopas rusce pote es divideda a sete categorias grande:

Ocroxca
  • Sopas fria a base de kvas, pe: okroxca, botvinia.
  • Buliones de vejetales.
  • Sopas de pasteta acompaniada de carne, xampiniones o lete.
  • Sopas a base de col (la plu es conoseda como xi)
  • Sopas densa a base de carne bolida (pe: rasolnic, solianca).
  • Sopas de pexes, pe: uha e kalia.
  • Sopas a base de vejetales e sereales.

Sopas fria[edita | edita la fonte]

Ocroxca (окрошка) es un sopa a un base de cvas o lete asida. La ingredientes major es vejetales acompaniada par carne o pex (bolida ma fria).

Turia (тюря) es como ocroxca, ma on usa pan en loca de vejetales. Esta es la comeda de tempos difisil e de campanianes povre. Turia ia es multe comun en tempo de juna car lo es fasil coceda. La base de turia es acua e no lete.

Botvinia (ботвинья) es la sopa cual ia es la plu tipal de Rusia. Ma lo no es comeda multe car es lo es nonfasil per coce. Alga libros moderna de coce sujesta modos fasil par cambia alga ingredientes a otras plu disponable, ma esta sutrae multe de la sabor orijinal.

La plato es composada de tre partes:

  • La sopa
  • Pex roja bolida (la plu valuada), pe salmon o sturion, - los es servida a lado.
  • Jelo rompeda sur un plato o copa per fri la sopa.

La nom de la sopa usa la radis "botva", per dise "partes folial de vejetales radisal". Botvinia es fada de folias de beta joven, osale, oniones verde, aneto, concombres, du tipos de cvas, un poca de mostarda, jus de limon, rabano forte, e alga spises.

Lo es comeda como la plato un, o pos un sopa calda ante la plato du, per velia apetito. On usa du culieres e un force: la force per la pex, un culier per la sopa, e la otra culier per pone jelo en la sopa (per manteni la fria).

Sopas calda[edita | edita la fonte]

xi

Xi (щи) ia es un plato xef per comensa come durante plu ca un mil anios. La gustas de come cambia tra la sententios, ma Xi ia resta popular entre abitores. Xi ia es sempre reconoseda en tota clases sosial, an si la comeda es coceda de cosas cara par persones rica, o sola de col e onion per la povres, ma on ia fa esta a modo de la mesma tradision. La sabor unica veni a Xi en un stofa, a interna de cual la ingredientes resta per coce lenta pos boli. La "spirito de Xi" ia es nonseparable de la izba rusce (un cabana de tronco). Es multe proverbos liada a esta sopa, pe Xi da caxa - pixa naxa - "Xi e gaxa es nos comeda".

La Xi plu rica conteni cosas variosa, ma los prima e final es nesesada:

  • Col.
  • Carne (multe rara: pex o xampiniones).
  • Carotas o radises de persil.
  • Spesies de erbaa (oniones, seleri, aseto, alio, peper, folia de lauro).
  • Composantes asida (smetana - crema densa e asida, pomas, xucrute, marin).
Uha

Pos servi la sopa, on pone smetana en lo e esta es comeda con pan de segal. Durante la periodos de anio, cuando la Eglesa Ortodox prescrive asteni de carne e lete, on ia fa un varia sever vegetaliste. On ia coce "Xi Asida" (кислые щи, cislie xi) de xucrute e "Xi Gris" (серые щи, serie xi), fada de folia verde esterna de la testa de col, e ance "Xi Verde" (зелёные щи, zelenie xi), fada de folia de osale (no col). Xi verde ia es un sopa ordinara en estate.

Uha (уха) es un comeda tepida acuosa de pex, ma no va es tota coreta per nomi lo un sopa. La parola "uha" es ajuntada a la bulion de pex entre la sentenios 17-18. Plu temprana esta nom ia es usada per un sopa densa de carne e a pos per lo de gal. De la sentenio 15 pex ia deveni plu e plu usada per coce Uha e ia ateni un sabor distinguida entre otra sopas.

La min de vejetales es ajuntada durante coce e si on vole es tradisional on ta presenta sola un bulion rica de pex per acompania tartes de pex (rastegai, kulebiaca, etc...) Oji esta plato es plu frecuente un sopa de pex con patata o vejetales. A modo tradisional spesies variosa de pex es usada.

Rasolnic

Rasolnic (рассольник) es un sopa calda con un base de concombres vinagrida o marin. La coceda apare en se forma completa en la sentenio 19. Sirca esta tempo la nom "Rasolnic" ia es ajuntada a lo, ce ave sua orijin en la parola "rassol" cual pertine a marin. On conose ce marin ia es usada per sopas en la sentenio 15 a min. La densia de marin e proportio con otra licuidas e composadas ia resulta en sopas diferente: solianca, pohmelka e rasolnic. Comun esta sopas es asida e salosa moderada con un base de concombres vinagrida. Algas es spesies per vegetalistes, ma plu comun los inclui renes de boveta o bove, o con alga partes de gal (stomaco, figato, cor, colo, gamas). Afin la sabor ta es la plu bon, on nesesa vijila per un ecuilibre entre partes asida e composadas neutra e asorbente (sereales, patatas, vejetales de radis). Rasolnic tipal es fada de renes, marin (e marinidas), vejetales, e orzo.

Calia (калья) ia es un plato comun, de la sentenios 16-17, ma aora lo tota no esiste en la cosina rusce.

Solianca

Solianca (солянка) es un sopa densa e picante en cual on combina la composadas de Xi (col, smetana) e de rasolnic (marin e concombres); otra ingredientes es spises, olivas, caparas, tomates, limon, jus de limon, cvas, xampiniones salida e marinida, e tota en junta es un base asida e salosa e alga forte. Solianca es plu densa ca otra sopas, con un proportio de acua e composadas 1:3. Tre tipos es distinguida: Solianka de carne, de pex e simple. Du prima es fada a base de buliones forte de carne o pex, e la ultima es de bulion de xampiniones e vejetales. On misca buliones con marin de concombres.

Lapxa (лапша) es un sopa de pastetas adotada de tatares. Pos alga cambias, lo ia es usada en tota Rusia. On ave tre varias: de gal, xampiniones o lete. La coce es fasil: on coce pastetas en buliones. Pastetas es fada a un base de farina de trigo o un misca de farinas de saraseno e trigo. Pastetas de esta misca es plu bon en buliones de xampiniones o lete.

Borx

Borx (борщ) es fada de bulion, beta, jus de tomate e de vejetales variosa. La vejetales es onion, col, tomate, carota, e seleri. On fa normal un bulion de bove e on ajunta vejetales durante on boli lo. Borx pote es vegetaliste. On come lo calda o fria e a modo tradisional con pan blanca e smetana.