Crepe

De Vicipedia
Jump to navigation Jump to search
Crepes dsc07085.jpg
Crêpe opened up.jpg
Picswiss BS-55-89.jpg
Mille crepe.jpg
Fruit Filled crêpe.jpg

Un crepe (de franses crêpe, [kʁɛp]) es un tipo de tortilia multe magre de un pasta fritada. Tipal, la crepe ave un strato dulse o saborosa. Lo es asosiada xef con cosina franses, spesial de la rejion Bres. ma la fabrica e come de los es sperdeda a Nederland e Beljia, Canada, Africa norde, e America sude, etc.

En Frans e Belia, crepes es comeda tradisional a la festa de candelas, febrero 2 (engles: Candlemas, franses: La Chandeleur). En Frans esta dia santa ia develop la nometa Le Jour des Crêpes. En 472, Pape Gelasio 1 ia ofre candelas a peregrinores franses cual ia visita Roma per selebra la festa. La festa es un desendente posible de un de la festas roman de la sol.

crepes dulse es jeneral fabricada en farina de trigo. Cuano dulse, los pote e comeda como parte de come de matna o como un deser. Plenidas comun inclui nutela, conservadas, zucar, xirope de aseto, jus de limon, crema bateda, frutas, etc.

Crepe saborosa es fabricada con farinas nontrigo, como saraseno. Los es comun creada con farina de trigo, ma alora la zucar es ometeda. Donce, es libre de gluten e donce bon per los con un alerjia a gluetn. Tipal plenidas inclui ceso, jamon, ovos, ratatui, xampiniones, caxofa, etc.

Crepes pote es ance usada per crea tortas par pone un su lunlotra, con crema entre cada nivel de 15 a 30 stratos. Alga persones usa lo como un sustitui per la torta tipal per aniversias.

Per crea crepes multe magra, lo es esensal ce on ave un pasta sin masas o bultos, cual no es fasil. Pos bate, lo es plu bon si on pote permete la pasta resta per un dui ora o an tra la note, per permete ce la bolas desapare.

Con un comeda tan popular, crepes ave multe nomes en multe linguas. En Europa:

Xcip: pallaçinka
Asturian: frixuelo
Bresonica: krampouezh
Balgarsce: палачинка
Cornoica: krampoeth
Txesce: palačinka
Nederlandes: pannenkoek
Esti: pannkook, ülepannikook
Faroisce: pannukaka
Suomi: ohukainen, lätty, lettu or räiskäle
Galisian: filloas
Deutx: Pfannkuchen, Austria: Palatschinke
Elinica: κρέπα (krépa)
Magiar: palacsinta
Icelansce: pönnukaka
Italian: crespella
Cazac: құймақ (quymaq)
latvisce : pankūka
Lietuvisce : lietiniai blynai
Macedonian: палачинка
Polsce: naleśniki
Portuges: crepe
Romanian: clătită
Rusce: блины (bliny)
Serbsce/Corvatsca: palačinka, палачинка
slovensce: palacinka
Slovenian: palačinka
espaniol: crepes
Turces: krep, akıtma
Ukrainsce: млинці, налисники (mlyntsi, nalysnyky)
Cimri: cramwyth