Shatranj

De Vicipedia
Jump to navigation Jump to search
Du juores de shatranj, de un depinta miniatur de Iran de 1430
Un esemplo de shatranj de Iran, de seramica con vitro molida e glasada, de la sentenio 12

Shatranj (pronunsiada en lfn: xatranj; arabi: شطرنج‎, de farsi media: chatrang) es un forma vea de xace como juada en la Impero Sasanan. Lo ia orijina como la jua indian chaturanga. Xace moderna ia evolui gradal de esta jua, pos es intruidida a la mundo european par contatas en Andalusia muslim (pd Espania moderna) e en Sisilia en la sentenio 10. La nom arabi anca deriva de la nom en sanscrito (Sanskrit: चतुरङ्ग; caturaṅga, sinifiante "cuatro brasos")

La table e la pone de pesos en shatranj es cuasi la mesma como en xace moderna. La loca de la shah (re) blanca pote es a cualce lado de la fers (rea), e la shah negra ta es en la mesma colon. En India moderna, esta noes sempre vera. La jua ia es juada con esta pesos:

La shah ("xa") move como la re en xace moderna, pd un cuadro diagonal o ortogonal. Orijinal, la peso ia ave la forma de un seda o trono.

La fers ("conselor"; ance speleda ferz, arabi firz, de farsi فرزين farzīn; ance nomida wazir, vezir, vizir, etc) move esata un cuadro diagonal. Lo es un peso debil, an si la rea de xace moderna es la peso la plu forte! La peso ia ave la forma de un seda (ma plu peti ca lo de la re), o un obelisce.

La rukh (o "tore"; de farsi رخ rokh, "caro") move como la tore en xace moderna. An si la plu de linguas usa sua nom per tore, engles reteni rook. La peso ia ave la forma de un cubo, con un ranur V a la alta, la asendente de la forma de la tore.

La pil (o alfil, aufin, etc; de farsi پيل pīl) move esata du cuadros diagonal, e salta supra la cuadro media. Lo ia deveni la bispo en xace moderna, cual es ancora nomida alfil en espaniol, alfiere en italian, fil en turces, farsi, e arabi, e слон ("elefante") en rusce. Cuando la peso ia sperde a Europa, lo ia ave la forma de du dentones erijida, cual ia sembla la mitra de un bispo. La peso evolui en sua move a la move moderna de cualce cuadros diagonal. La peso ia es formida como un cono con un ranur V a la alta (la du dentones de un elefante, plu tarda la mitra de la bispo).

La asb ("cavalo", de farsi vea asp اسپ) move como la cavalo en xace moderna. La peso ia es formida como un cono, con un protende a un lado, representante la testa de la cavalo.

La sarbaz ("soldato", ance nomida piyadeh پیاده , "peon") move como la peones en xace moderna, ma no pote move du cuadros a la move prima. Cuando los ateni la linia oto, los es promoveda, ma sola a un fers. Lo ia es formida como un cono peti o simil.