Sapmi

De Vicipedia
Jump to navigation Jump to search
La area Sapmi
La Parca Stora Sjöfallet, Sveria norde

Sapmi es la rejion cultural tradisional abitada par la popla sami. Sapmi es locada en Europa norde e inclui la partes norde de Fenoscandia (pd Suomi, Sveria, Noria, e Rusia norde-ueste). A la norde, los es bordada par la Mar Barents, a la ueste par la Mar Norsce, e a la este par la Mar Blanca.

An si la rejion es nomida per la [[Sami (popla)|popla sami), on estima ce los es sola sirca 5% de la cuantia tota de persones. No organiza political avoca seseda, an si alga grupos desira plu autonomia teritorial e/o plu autodetermina per la popla orijinal de la area.

La parte la plu grande de Sapmi es norde de la Sirculo Artica. La parte ueste es un area de fiordos, glasias, e montes, con la punto la plu alta Monte Kebnekaise (2111 m) en Sveria. La parte de Sapmi a la lado svensce de la borda es marcada par rios grande corente de la norde-ueste a la sudu-este. De la provinsia norsce Finnmark e a este, la tereno es un plano alta cual conteni multe pantanes e lagos, con la plu grande de los Lago Inari en Suomi. La parte estrema norde-este es tundra, ma lo no ave permajelada.

La clima de Sampi es suartica e plantas es mancante, estra en la parte sude, cual es densa forestosa. La costa ueste montaniosa ave invernos multe temperada con plu presipita ca la areas grande a este de la cadena de montes. Norde de la Sircula Artica, la note polal marca la inverno, e la sol de medianote marca la estate, ambos per un tempo plu longo si on vade plu norde. Tradisional, la sami divide la anio entre oto saisones en loca de cuatro.

Renos, lupos, ursos, e avias es la formas major de animales, en ajunta a un cuantia enorme de insetos en la estate corta. Pexerias de mar e rio es comun en la rejion.