Qahira

De Vicipedia
Jump to navigation Jump to search

Qahira

Flag of Cairo.svg
Cairo Form Top.JPG
Pais Misre
Rejion
Area 453 km²
Popla 6.758.581 ab. (2006)
Densia 17,190 abitores/km²

Qahira (conoseda en la ueste como "Cairo") (arabi: القاهرة‎) es la capital de Misre e la site la plu grande en Africa. Lo es situada prosima a la delta de la rio Nilo, en la norde de Misre. La cuantia de abitores es sirca 6,8 milion (estima de 1992). La plu de abitores es arabis misri. Qahira es la sentro comersial e industrial de Misre, con fabrica de stofas de coton, produidas de comedas, furnis de construi, veculos, e aviones.

Qahira conteni multe instituidas cultural, universias e oteles. En la sentro es la isola de rio Zamalic, cual lia du rivas de la rio par tre pontes. Sur la riva este es stradas streta, bazares folida e sentos de mascitas. A la sude es Qahira vea en cual la comunia cristian coptica abita, con eglesas coptica.

La Universia Al Azhar es la plu vea e famosa de la instituidas muslim. Lo ave la Mascita Al Azhar, cual ia es construida en 970 ec. La Museo Misri conteni plu ca 1700 pesos de la colieda de faraon Tutankhamen. La scrivores e jornalistes es multe vivosa en la area. La piramides de Misre, cual ia servi como tombas per faraones antica, e la sculta de la Sfinx, cual ia es creada en 2565 aec, es locada a ueste de Qahira.

Istoria[edita | edita la fonte]

On suposa ce Qahira ave sua orijina en Memfis, la capital vea, fundida en la milenio 4 aec. Cuando la fatimanes, un ramo de islam, ia concista Misre en 969 ec, los ia institui un sentro en la site, cual los ia renomi Al Qahira. La mamluces ia fundi sua capital en Qahira en la sentenio 13. La osmanianes ia invade Qahira en 1517 e sua rena continua a 1798, cuando la area ia es concistada par Napoleon 1 de Frans. La rena osmanian ia reveni en 1801, ma a la media de sentenio 19, la deta stranjer e la debilia de Impero Osmanan ia permete un influe european plu grande en Qahira. En realia, la briteses ia rena Misre de la tarda de la sentenio 19 asta pos la Gera Mundal Prima (1914–18). La organizas de turisme ia deveni un fonte importante de revenu stranjer per Misre.

Abitores famosa[edita | edita la fonte]

  • Yoryos Cavafy – poesiste en elinica
  • Giuseppe Ungaretti – poesiste en italian
  • Georges Moustaki – cantor en franses
  • Dalida – cantor en franses
550px-Africa (orthographic projection).png
Sites capital de Africa
Abuja | Accra | Addis Ababa | Antananarivo | Asmara | Bamako | Bangui | Banjul | Bissau | Brazzaville | Bujumbura | Conakry | Dakar | Dar es Salaam | Djibuti | Freetown | Gaborone | Harare | Jazair | Juba | Kampala | Khartoum | Kigali | Kinshasa | Libreville | Lilongwe | Lome | Luanda | Lusaka | Malabo | Maputo | Maseru | Mbabane | Mogadishu | Monrovia | Moroni | Nairobi | N'Djamena | Niamey | Nouakchott | Ouagadougou | Port Louis | Porto-Novo | Praia | Pretoria | Qahira | Rabat | Sao Tome | Tripoli | Tunis | Victoria | Windhoek | Yamoussoukro | Yaounde