Accra

De Vicipedia
Jump to navigation Jump to search

Accra

Accra Montage.jpg
Pais Gana
Rejion Grande Accra
Area 185 km²
Popla 1 970 400 ab. (2005)
Densia 10,650.8 abitores/km²
Ghana GreaterAccra.png

Accra es la capital de Gana.

Accra sentral ave a sua sentro la fortres istorial brites, dansce e nederlandes. Tra la anios, migras de rejiones rural ia grandi la site.

Istoria[edita | edita la fonte]

La grupo ga, conoseda como la Tumgwa We e gidada par Ayi Kushie ia ariva par mar. Cuando la lartehes a la costa ia vide los sur sua canoas a mar, los ia aspeta como formicas, donce la lartehes ia refere a los como nkran ("formicas"). Plu tarda, la parola nkran ia es pronunsiada par la dansces como "Akra", gidante a la nom presente "Accra". Nkran en la lingua ga es gaga, donce los ia comensa usa la nom "ga" per se. La gas es ance un parte de la grupo xef cual ia comensa la migra inisial de la Impero Nubia.

Inisial, Accra no ia es la sentro comersial la plu importante; la sentros comersial de la eda ia es la portos de Ada e Prampram, con ance la sentros noncostal Dodowa e Akuse. La nederlandeses ia construi prosima la campas de Fort Crèvecœur; la briteses ia construi James Fort; e la svensces, la castel Christiansborg. Ja en la sentenio 17, Portugal, Frans e Danmarc ia construi fortreses en la site.

Britan ia oteni gradal la interesas de tota la otra paises, comensante en 1851, cuando Danmarc ia vende Christiansborg (cual los ia oteni de la svensces) e sua otra fortreses a la briteses. Nederland ia es la vendor final, en 1871. En 1873, pos desenios de tensa entre la briteses e la asantes de la Impero Asante, la briteses ia ataca e destrui cuasi acel rejion e sua capital Kumasi. La briteses ia catura alora Accra en 1874 e, en 1877, a fini de la Gera Brites-Asante Du, Accra ia sustitui per Cape Coast como la capital de la Costa de Oro brites. Esta deside ia es fada car la clima de Accra ia es plu seca ca lo de Cape Coast. Asta esta tempo, la limitas de Accra ia es Fort Crèvecœur a la este e la Lagon Korle a la ueste.

Economia[edita | edita la fonte]

En 2008, la Banco Mundal ia estima ce la economia de Accra ia composa sola US$3 bilion dolares de la produi interna bruta intera de Gana. On estima ce la popla economial ativa es 823 327.

Accra es un sentro de fabrica, mercato, finansia, asecura e transporta. Sua campo finansial ave un banco sentral, nove bancos comersial, cuatro bancos de developa, cuatro bancos mercator, la Asioneria de Gana, du companias de presta e multe developores de imobila, con locas industrial e developas abital.

On ave plu ca 50 000 imobilas abital identifiada en Accra e sirca 4000 imobilas comersial/industrial/miscada. Lo ave ance supramercatos, 36 parces de autos e sentros comersiales, como ance complesos diversa per sportes e recrea.

550px-Africa (orthographic projection).png
Sites capital de Africa
Abuja | Accra | Addis Ababa | Antananarivo | Asmara | Bamako | Bangui | Banjul | Bissau | Brazzaville | Bujumbura | Conakry | Dakar | Dar es Salaam | Djibuti | Freetown | Gaborone | Harare | Jazair | Juba | Kampala | Khartoum | Kigali | Kinshasa | Libreville | Lilongwe | Lome | Luanda | Lusaka | Malabo | Maputo | Maseru | Mbabane | Mogadishu | Monrovia | Moroni | Nairobi | N'Djamena | Niamey | Nouakchott | Ouagadougou | Port Louis | Porto-Novo | Praia | Pretoria | Qahira | Rabat | Sao Tome | Tripoli | Tunis | Victoria | Windhoek | Yamoussoukro | Yaounde