Porcospina
![](http://upload.wikimedia.org/wikipedia/commons/thumb/2/2d/Tree_Climbing_Porcupines.jpg/220px-Tree_Climbing_Porcupines.jpg)
![](http://upload.wikimedia.org/wikipedia/commons/thumb/b/b0/%D0%AF%D0%BB%D1%82%D0%B8%D0%BD%D1%81%D0%BA%D0%B8%D0%B9_%D0%B7%D0%BE%D0%BE%D0%BF%D0%B0%D1%80%D0%BA_079.jpg/220px-%D0%AF%D0%BB%D1%82%D0%B8%D0%BD%D1%81%D0%BA%D0%B8%D0%B9_%D0%B7%D0%BE%D0%BE%D0%BF%D0%B0%D1%80%D0%BA_079.jpg)
Porcospinas es rodentes con un pelo de spinas acu cual defende e camofla los de predores. Los es nativa en America Norde e Sude, Asia sude, e Africa. Porcospinas es la rodente tre la plu grande, pos la capibara e la castor. La plu de porcospinas es entre 60 e 90 cm longa, con un coda de 20 a 25 cm, e los pesa entre 5 e 16 kg. Los es ronda e lente, e es varias de brun, gris, e (noncomun) blanca. La spinas sembla los de la erisos e ecidnas, cual no es relatada.
Porcospinas es erbivores. Los come folias, erbas, bastetas, e plantas verde como lisiciton e trefolia. En la inverno, los pote come la cortex de arbores. La porcospina american asende comun la arbores per xerca comeda. La porcospina african no asende arbores e prefere foraje sur la tera. Los es normal noturna. En Cenia, los ia deveni un peste e es comeda como un deleta.