Castor
La castor es un rodente grande, noturna, e partal acual. La jenera inclui du spesies vivente: la castor canadian, nativa en america norde, e la castor eurasian. Castores es bon conoseda como construores de pararios, canales, e casas de bastetas. Los es la rodente du la plu grande, pos la capibara.
La colonias de castores crea un o plu pararios per furni se con acua calma e profunda per proteje se de predores, e per flota comeda e materia per construi. La cuantia de castores canadian ia es plu ca 60 milion en la pasada, ma en 1988, la cuantia ia es entre 6 e 12 milion. La redui en cuantia ia es la resulta de multe xasa per sua pelo e glandes (usada per medisin e parfum), e car los disturba otra usas de la tera e la rios.