Pape Joana (jua)
Pape Joana es un jua de cartes engles de la sentenio 18, popular con familias de la eda victorian. La jua es per tre a oto juores e derivada de la juas franses de matrimony ("sposi") e comete ("cometa") e la asendente a spinado e newmarket. Lo es ance relatada a la jua deutx de poch e la jua franses de nain jaune ("nano jala")
Pape Joana refere a la lejenda de un pape fema. Car la eglesa catolica no aseta la esiste de un pape fema, la lejenda ia es usada como propaganda protestante en la eda victorian, cual ia ajunta a la popularia de la jua en Scotland.
La jua nesesa un table sirculo, con oto cavetas o "poxes" con desinias de la as (A), la re (K), la rea (Q), la pajo (J), "jua", la pape Joana (9♦), "sposi" (re e rea de trumfo), e "conspira" (rea e pajo de trumfo). Cada juor reseta un mesma cuantia de fixes, la valua determinada par la juores. La 8♦ es sutraeda de la paceta. La gol de la jua es per perde tota sua cartes ante cualce otra juor (e per gania tan multe fixes).
Per comensa, la distribuor de la cartes "vesti la table" par pone 6 fixes en la pox nomida pape Joana, 2 a sposi e a conspira, e 1 a cada de la otras. Alora, el distribui la 51 cartes entre la juores asta tota cartes es distribuida, ma a un plu "mano" ca juores, con la carte final distribuida a la "mano mor" esposada per indica la trumfo, pd la familia de la poxes (plu a su). Si acel carte es la pape (9♦), o la as, re, rea, o la pajo, la distribuor gania la contenis de acel pox.
La juor "vea" (a la sinistra de la distribuor) pone un de sua cartes sur la table, fas a supra. Lo pote es de cualce familia, ma debe es sua carte la min valuada de acel familia. (per esta intende, la as es la min valuada, la re la plu valuada) Si el ave la carte seguente de la familia, el pone esta ance, e en esta modo asta el no pote vade plu. La segue es alora continuada par la juor ci teni la carte seguente, o, si nun ave la carte seguente (car el es en la mano mor, o car la re ia es atenida), un segue nova es comensada par la juor ci ia pone la carte final. Ancora, el pote es de cualce familia, ma debe es la carte la min valuada el teni de acel familia. Tota res es, natural, un "carte final", e ance la 7♦ (car nun posese la 8♦). Ance "cartes final" es la cartes direta su la "cartes final" distribuida, e la cartes direta su la cartes juada (car los deveni ance "cartes final".
La contenidas (se cualce) en la poxes per la as, re, rea, e pajo es donada a la juor ci jua la carte de trumfo corespondente, e per lo ci jua la pape (9♦). La contenidas en la poxes per la "sposi" o la "conspira" es ganiada par la juor ci pote jua la Q e K, o la J e Q de trumfo. Si un juor pote jua tota tre (J, Q, e K de trumfo), el gania la fixes en ambos poxes. Si la fixes de cualce pox no es ganiada en un jua, lo resta ala per la distribui seguente.
La juor cual pote usa tota de sua cartes gania la fixes de la pox per "jua", plu un fix de cada otra juor per cada carte cual resta en sua mano, estra la juor cual teni la pape, ci es escusada de paia.
La regulas no es tan difisil per aprende, e la jua sola nesesa un cuantia peti de atende per conose cual cartes final ia es usada a ante en la curso de jua.