Nomes de menses

De Vicipedia
Jump to navigation Jump to search

La nomes de menses en elefen segue la nomes costumal de linguas roman:

Julio Cesar
  • Janero - mense un, de Jano, la dio roman de portes
  • Febrero - mense du, de februlto, la mense per rituas de puri (februa) cual repara la pecas de la anio (Febrero ia es la mense final en la anio orijinal de la romanes)
  • Marto - mense tre, de Marte, la dio roman de gera (orijinal la mense prima de la anio)
  • April - mense cuatro, cisa de la parola per abri, per la abri de flores, o per Venus (Afrodite en elinica, Apru en etruscan)
  • Maio - mense sinco, de Maia, la diva elinica de fertilia (Bon Diva (Bona Dea) per la romanes)
  • Junio - mense ses, de Juno, la diva roman de femas, rena de la dios, e la sposa de Jupiter
  • Julio - mense sete (orijinal nomida quintilis), per Julio Cesar, la jeneral grande e tirano de la romanes
  • Agosto - mense oto (orijinal nomida sextilis), per Cesar Augusto, la Imperor prima de la Impero Roman
  • Setembre - mense nove, la mensa sete orijinal; la anio ia comensa orijinal a Marte
  • Otobre - mense des, la mense oto orijinal
  • Novembre - mense des-un, la mense nove orijinal
  • Desembre - mense des-du, la mense des orijinal

La plu linguas usa formas de esta nomes, ma txesce, lietuvisce, e suomi usa sua propre nomes vea. Per esemplo, la menses en txesce, lietuvisce, e suomi (con sinifias posible):

Txesce Lietuvisce Suomi
leden - jela sausis - seca tammikuu - cuerco, cor de inverno
únor - lavabo vasaris - (pensas de) estate helmikuu - perla de jela
březen - la betul kovas - la gralia maaliskuu - tera nuda
duben - la cuerco balandis - la pijon huhtikuu - boscas ardeda
květen - la flor gegužė - la cucu toukokuu - semes
červen - roja birželis - la betul kesäkuu - estate, aradi
červenec - pos roja liepa - la tilia heinäkuu - feno
srpen - la falxeta rugpjūtis - corti la segal elokuu - vive, colie
září - brilia (la copula de servos) rugsėjis - semi la segal syyskuu - autono
říjen - la copula de servos spalis - lino lokakuu - fango
listopad - la cade de folias lapkritis - folias cade marraskuu - mor
prosinec - un videta de lus gruodis - un masa jelada joulukuu - natal


Arabi usa un calendario antica lunal.

India ave du calendarios: la un es lunal, la otra es solal, e ambos ave nomes costumal. La menses de la calendario solal ave la nomes de la figures stelal de la ecuator sielal.

Xines, japanes e corean usa simple "mense un, mense du, etc". Esta es ance bon per parlores de elefen.

Vide ance Calendario de la Revolui Franses.