Calendario de la Revolui Franses

De Vicipedia
Jump to navigation Jump to search
Calendrier-republicain-debucourt.jpg

La Calendario de Revolui Franses ia es inventada par un comite dirijeda par Fabre d'Eglantine. La calendario ia es adotada par la Conveni de la Revolui en otobre 1793. La calendario ia es divideda en 12 menses de 30 dias per mense, con sinco plu dias (ses dias en anios con 366 dias) a la fini de la anio. Esta sinco o ses dias ia es nomida la Sans-culottides e ia es un serie de festas nasional.

Cada mense ave tre semanas (nomida "decades") de des dias per semana. La dias ave numeros per nomes: primidi, duodi, tridi, quartidi, quintidi, sextidi, septidi, octidi, nodidi e decadi. Decadi ia es un dia de restora. La prima dia de la anio ia es 1 Vendemiaire anio 1, e ia aveni a la ecuinote de autono, 22 setembre 1792. Cada mense ia pare como esta:

primidi duodi tridi quartidi quintidi sextidi septidi octidi nonidi décadi
1 2 3 4 5 6 7 8 9 10
11 12 13 14 15 16 17 18 19 20
21 22 23 24 25 26 27 28 29 30

La nomes de la menses:

nom sinifia datas
Vendémiaire uvas 22 setembre - 21 otobre
Brumaire nebla 22 otobre - 20 novembre
Frimaire jelo 21 novembre - 20 desembre
Nivôse neva 21 desembre - 19 januero
Pluviôse pluva 20 januero - 18 febrero
Ventôse venta 19 febrero - 20 marto
Germinal jerme 21 marto - 19 april
Floréal flores 20 april - 19 maio
Prairial prados 20 maio - 18 junio
Messidor recolie 19 junio - 18 julio
Thermidor calda 19 julio - 17 agosto
Fructidor frutas 18 agosto - 16 setembre

La san-culottides ia aveni de 17 setembre a 20 (o 21) setembre. La nom "sans-culottides" sinifia "sin pantalon": la aristocratas ia porta pantalas, ma la proletaria ia porta pantalones. Esta dias ia es nomida...

dia sinifia
Jour de la vertu dia de virtua
Jour du génie dia de jenio
Jour du travail dia de labora
Jour de l'opinion dia de razona
Jour des récompenses dia de recompensa
Jour de la révolution dia de revolta

La calendario ia es usada en Frans tra 12 anios, pos cuando Napoleon ia recambia lo.