Nimfea

De Vicipedia
Jump to navigation Jump to search
Nimfea

Nimfea es un familia de plantas florinte, con la nom tecnical Nimfease (Nymphaeaceae). Los vive como erbas acual rizomal en climas temperada e tropical tra la mundo. La familia conteni sinco jenera con sirca 70 spesies conoseda. Los ave radises en la solo en acua, con folias e flores flotante sur o emerjinte de la surfas. La folias es ronda, con un indente en alga spesies.

La jeneros es Barclaia, Euriale, Nufar, Nimfea (spesifada), Ondinea, e Victoria (Barclaya, Euryale, Nuphar, Nymphaea, Ondinea, and Victoria).

Los es multe bon studiada car sua flores grande con partes multiple e nonspesialida ia es videda prima como representante la motif floral de la plantas florinte la plu temprana, e studias jenetical plu tarda ia confirma sua loca como anjiospermas fundal. Ma analises de morfolojia floral, cualias moleculal, e comparas con relatas (la familia Cabombase) indica de la flores de nimfeas esistente cual ave la partes la plu es derivada plu ca jenera con min partes floral. Jeneras con plu partes es comun polenida par scarabes, e jenera con min partes es polenida par moscas o abeas, e es polenida par venta o autopolenica. Donce, un cuantia grande de organos floral relativa nonspesialida en la nimfeas no es un situa asendente per la familia.

Nimfeas no ave folias surfas en la inverno, e alora la gases en la bocas de la rizoma ateni ecuilibra con la gases de la acua de la deponeda. La resta de presa interna es mostrada par la rietas de boletas cual emerji cuando la folias leva en la primavera.