Nanna
![](http://upload.wikimedia.org/wikipedia/commons/thumb/e/e8/Nanna_%281857%29_by_H._W._Bissen.jpg/220px-Nanna_%281857%29_by_H._W._Bissen.jpg)
En mitolojia norsce, Nanna Nepsdottir es un diva asosiada con la dio Balder. La naras sur Nanna varia par fonte. En la Edda prosal, el es la sposa de Balder, e los produi un fio, la dio Forseti. Pos la mori de Balder, Nanna mori de lamenta. Nanna es poneda sur la barcon de Balder con sua corpo e la du es ardeda e puxada a mar.
En Hel, Balder e Nanna es denova unida. En un atenta per revive Balder, la dio Hermóðr viaja a Hel e, pos reseta la espera de revive de la diva Hel, Nanna demanda ce Hermóðr porta un roba de lino a la diva Frigg, un anelo per Fulla, e otra donadas.
En un nara furnida par Saxo Grammaticus en sua obra de la sentenio 12, Gesta Danorum, inclui Nanna como un fema umana, la fia de Re Gevar, e un amada de ambos Balder, asi un dio minor, e la umana Höðr. Ambos es multe atraeda a Nanna e batalia repetente. Nanna es sola interesada en Höðr e sposi el, en cuando Balder sufri e mori de sua malsonias de Nanna.
La orijina de la nom Nanna es debateda, ma pote ave lias a otra divas con nomes simil en otra cultures.