Frigg

Frigg, filinte la nubes

En mitolojia norsce, Frigg (norsce vea, Frija en deutx alta vea, Frea en langobarda, e Frige en engles vea) es un diva. En cuasi tota fontes, el es descriveda como la sposa de la dio Odin. El es a veses asosiada con la tera, ci, en otra fontes, es personida como un diva unica Jörð (norsce vea: tera). La nom germanica per venerdi es derivada de sua nom (pe, en engles, Friday).

Frigg es descriveda como un diva asosiada con previde e sajia en mitolojia norsce. El es la sposa de Odin e abita en la salones de Fensalir. La enfantes de Frigg e Odin incluinte Balder, Vili, e Ve. Frigg es asosiada con divas variosa: Fulla porta la caxa pal e garda la sapatos e secretas de Frigg; Lofn es donada permete par Frigg per ordina sposis entre omes e femes; Hlin es encargada par Frigg per proteje los ce Frigg nomi como meritante proteje de periles; e Gna es enviada par Frigg a mundos variosa per reali sua intendes. Car eruditas ia nota multe temas simil a los atribuida a Freia, Frigg e Freia ia pote ave posible un identia comun en edas plu temprana.

Pos cristiani, Frigg continua es notada en folclor scandinavian. En tempos moderna, Frigg apare en cultur popular, e el es un ojeto de arte. El reseta adora en neopaganisme germanica.