Mustelido

De Vicipedia
Jump to navigation Jump to search
Mustelidos

La mustelidos es un familia de mamales carnivor. Lo es un grupo diversa e formi la familia la plu grande en la ordina Carnivora, suordina Caniforma. Los inclui sirca 56 e 60 spesies con oto sufamilias.

En un estende grande de varias, la mustelidos mostra alga qualias comun. Los es tipal animales peti con corpos longida, gama corta, oreas corta e ronda, e pelo densa. La plu es solitar e noturna, e es ativa tra la anio.

Con la eseta de la lutro de mar, los ave glandes anal de odores cual produi un secreta odorosa, cual la animales usa per siniali sesal, per marca sua teritorios, e defende se de atacores.

La tairas, martenes, e pexores es partal arboral, e taxones abita en tuneles. Un cuantia de mustelidos abita rios e an mares. La lutra de mar es un de la rara mamales conoseda como usante un util cuando forejante, usante petras per abri la crustaseos cual forma un parte sinifiante de sua dieta.

Alga muselidos - zibalinas, erminos, e visones ia ave pelos multe bela e valuada, e los ia es xasada per sua pelos de edas preistorial. De la edas medieval temprana, la comersia en pelos ia es de importa grande en economia. Esta parteni spesial a la nasiones de Europa norde e ueste, cual ia conteni multe grande cuantias de mustelidos, e cual ia es un forsa economial de la estende de Rusia a Sibir, e de Frans e Britan a America Norde.

Un mustelido - la furon, ia es domada e es un animal de casa alga comun.

Clasi[edita | edita la fonte]