Mormonisme

De Vicipedia
Jump to navigation Jump to search

La mormonisme (Promove de la Santas de la Dias Ultima) es un ramo de cristianisme, fundida par Joseph Smith Jr.. Lo ave 14 000 000 membros.

Istoria[edita | edita la fonte]

La mormonisme ia nase cuando Joseph Smith Jr. ia reseta un visita de la anjel Moroni. Esta es conoseda como "la vide prima".

La vide prima[edita | edita la fonte]

Me ia vide un colona de lus, plu briliante ca la sol, direta supra mea testa; e esta lus ia desende gradal asta reposa sur me. Cuando la lus ia reposa sur me, me ia vide en la aira supra me du carateres, de ci sua cuantia de brilia e gloria no es descrivable. Un de los ia parla a me, clamante me par mea nom, e ia dise, indicante a la otra: Esta es mea Enfante Amada: Escuta el!

Eda coloniste prima[edita | edita la fonte]

A du anios pos la mori de Smith, la desacorda entre la mormonistes e la abitores de Illinois ia grandi. Per impedi la odia, Brigham Young ia indui sua seguores, la colonistes mormoniste prima, constituinte la plu de la Promove de la Santas de la Dias Ultima, a Nebraska e alora en 1847 a lo cual va es la Teritorio de Utah.

Dio en mormonisme[edita | edita la fonte]

Mormonistes ave la credes seguente:

  • Dio es tre persones – ma mormonistes difere de otra formas de cristianisme par la idea ce esta tre persones no es un Dio.
  • La dios es la Padre, o "Elohim", la Fio o "Jesus", e la Spirito Santa.
  • Elohim e Jesus ave un corpo fisical, ma la Spirito Santa no ave aora un corpo fisical, ma en un tempo veninte El va ave ance un corpo fisical.
  • La dios es unida en ama, ma los no es la mesma dio.
  • Elohim ia nase de un otra dio e diva, e Jesus ia nase de Maria e Jehova en un copula normal.
  • Jesus es la fio fisical de la Padre.
  • Jesus, su sua identia como Jehova, ia crea la mundo, ma la universo ia esiste eternal.

Influes[edita | edita la fonte]

Multe eruditas ia mostra influes cual Joseph Smith e la relijio ia reseta.

Influes par Swedenborg[edita | edita la fonte]

La dotor Michael Quinn sujesta en sua libro Early Mormonism and the Magic World View ce la obra par Emanuel Swedenborg nomida De Caelo et Eius Mirabilibus et de inferno, ex Auditis et Visis ia influi Joseph Smith en la crea de la vide de vive pos mori mormon cual apare en Crede e acordas Sesion 76.

An tal, multe de la similies es fundida sur linguaje biblial e par interpreta de testos biblial. Per dise, la vide jeneral de la tre sielos en revive pare es fundida sur la Letera Prima a Corintianes 15:40-42:

On ave ance cuerpos sielal, e corpos teral: ma la gloria de la sielal es un, e la gloria de la teral es otra. On ave un gloria de la sol, e un otra gloria de la luna, e un otra gloria de la stelas: car un stela ia difere de otra en gloria. Tal ance es la revive de la moridas.

Alegorial, Swedenborg compara la natur de cada sielo como ance la lumina cada sielo con la sol, la luna e la stelas. El afirma ce la sol de la sielo sielal e la luna de la rena spirital es la Senior. En la vide mormon de 1 Cor 15:40-42, la corpos reviveda de acel en tre grados de gloria (sielal, teral e telestial) es como la sol, la luna e la stelas.

Otras ci reconose similias, incluinte la istoriste mormon Richard Bushman, proposa ce la similias entre la revelas de Smith e de Swedenborg es par causa de la influe de la scrivedas de Paulo en ambos.

Corintianes no es incluida en la lista de libros cual, seguente Swedenborg, formi un canon biblial inspirada listida en Arcana Coelestia 10 324, Cavalo Blanca 16, e Jerusalem Nova e sua Crede Sielal 266. De la perspetiva de Swedenborg la ensenias de Corintianes no es autoriosa e el no ta es influeda par los.