Calvinisme

De Vicipedia
Jump to navigation Jump to search
Calvinisme

Portrait john calvin reverse.jpg

Informa
Tipo Cristianisme
Fundor Joan Calvin
Gidor
Dio Dio
Libro santa Biblia
Nom de la seguores Calvinistes
Cuantia de seguores


Calvinisme (ance Eglesa Reformida) es un ramo de cristianisme. Lo ia es avansada per teolojistes diversa como Huldrych Zwingli, ma lo porta la nom de la reformiste Joan Calvin par causa de sua influe en lo e sua rol en la debates relijial de la sentenio 16.

La sistem es frecuente resomada en la Sinco Puntos de Calvinisme e es conoseda par sua prinsipe de predestina e vilia intera, asentuante la domina asoluta de Dio. La Sinco Puntos aserta ce Dio salva cada person a ci el ave compatia, e ce sua efortas no es frustrada par la asenta de, o noncapasia per, virtua par umanas.

"Noncapasia completa" dise ce, como un resulta de la cada de umania a peca, cada person es un sclavia de peca. Persones no tende, par sua natur, per ama Dio, ma per servi sua propre intereses e per rejeta la rena de Dio. Donce, tota persones no moral capas de eleje fide en Dio per sua salva. On no pote salva se mesma. Nota de la plu de pastores reformida moderne no acorda con la interprete sever de esta idea.

"Eleje sin restrinje" dise ce Dio ia eleje, de eternia, los ci el va prende a se mesma, no fundida sur la virtua, merita, o fide en acel persones. En loca, sua eleje es fundida sin restrinje sola en sua compatia. Los ci es elejeda es salvada sola par Cristo.

"Espia limitada" dixe ce la espia sustituinte par Jesus ia es serta en sua intende e en cual lo ia ateni. Esta implica ce sola la pecas de la elejeda ia es espiada par la mor de Jesus. Alga calvinistes ia soma esta como "la espia es sufisi per tota persones, e constante per la elejeda".

"Grasia nonresistable" dise ce la grasia (bonvole salvante) de Dio es constant aplicada a los ce el ia determina per salva (pd, la elejeda) e vinse sua resiste a obedi la clama de la Spirito Sante, e Dio la prende los a un fide salvante.

"La persiste de la santas" dise ce, car Dio es la renor e sua vole no pote es frustrada par umanas o cualce otra cosa, los ci Dio ia clama per entra la comunia con el va continua en sua fide asta la fini. Los ce pare como cade a via de fide no ia ave la fide sempre.

Calvinism es representada xef par la tradisiones continental reformida, presbiterian, e congregistes. La asosia reformida la plu grande es la Comunia Mundal de Eglesas Reformida con plu ca 100 milion membros en plu ca 200 ramos en la mundo. La familia de eglesas reformida continental inclui nederlandes, suiz, franses (hugenotes), magiar, e italian (waldensianes). En multe casos, du o plu de la eglesas calvinisste ia uni en Eglesas Unida. La familia de eglesas calviniste - pd, reformida, presbiterian, congregiste, e unida - representa sirca 75 milion seguores en la mundo.

La plu de colonistes en la statos media-atlantica e england nova de la SUA ia es calvinistes, incluinte la puritanes engles e otra grupos non-conformiste, la reformistes nederlandes de Amsterdam Nova, e la presbiterianes scotes-eres de Apalatxia.