Model:Bon article 2/18
Hans Holbein la joven (sirca 1497 - 1943) ia es un artiste e impresor de la stilo de la Renasa norde, ci es conoseda como un de la depintores personal la plu grande de la sentenio 16. El ia produi ance arte relijiosa, satira, e propaganda reformiste, e ia contribui sinifiante a la istoria de desinia de libros. Sua padre ia es Hans Holbein la vea, un depintor susedosa de la scola gotica tarde.
Holbein ia es naseda en Augsburg, ma el ia labora xef en Basel como un artiste joven. A prima, el ia depinta murales e obras relijiosa, desiniada fenetras colorida, e libros primida. El ia depinta a veses un depinta personal, e ia fa sua marca internasional con depintas de Desiderius Erasmus de Rotterdam. Cuando reformisme ia ateni Basel, Holbein ia labora per clientes reformiste en cuando continuante labora per padrones relijosa tradisional. Sua stilo gotica tarde ia es ricida par modas nova en Italia, Frans, e Nederland, e par umanisme de la Renase. La resulta ia es un cualia estetica unica a se mesma.
Holbein ia viaja a England en 1526 xercante per emplea, con un recomenda de Erasmus. El ia es bonvenida en la aosia de umanistes de Thomas More, do el ia developa rapida un reputa alta. El ia reveni a Basel per cuatro anios, e alora continua sua carera en England en 1532 su la padronia de Anne Boleyn e Thomas Cromwell. Par 1535, el ia es pintor de la re per Re Henry 8 de England. En esta rol, el ia produi depintas personal e decortas festosa, e desinias per joalas, platas, e otra ojetos cara. Sua desinias personal de la familia reial e otra nobiles es un arcivo de la corte en la anios en cuando Henry ia es asetante sua supremia sur la Eglesa de England.
Per plu, vade a Hans Holbein