Model:Bon article 2/16
La Alfabeta Fonetical Internasional (AFI) es un sistem de sinias fonetical. Lo ave la alfabeta roman como funda. La Asosia Internasional de Fonetica ia crea lo per ave un modo normal de representa la sonas de la linguas parlada.
La prinsipe jeneral de la AFI es furni un simbol per cada sona distinguida. Como resulta, la AFI no usa combinas de leteras si on no pote regarda la sona representada como du o plu multe sonas ordinada. Ance, costumal, la AFI no ave leteras diferente per du sonas, si no lingua conoseda fa un distingui entre los. Lo no usa leteras per representa sonas multiple, como la "x" engles representa la grupo de consonantes [ks]. Plu, no leteras de la AFI ave valuas sonal cual depende de la situa, como la "c" engles (e de la majoria de otra linguas european).
La simboles de la AFI es 107 leteras per consonantes e vocales, 31 sinietas per spesifa plu acel sonas, e 19 sinias suprasesional per indica la cualias de longia, asentua e tono.
Per plu, vade a AFI