Mitraisme

De Vicipedia
Un releva con du fases, de la mata de la bove a un lado, e un come santa a la otra, de Roman sentenio 2 a 3 ce

Mitraisme ia es un relijio misteriosa sentrida sur la dio Mitras cual ia es praticada en la Impero Roman de la sentenio 1 e 4 ce. La relijio ia es inspirada par la adora de la dio Mitra en Persia, an ce Mitras elinica ia es liada a imajes nova e distinguida, e la nivel de continui entre la rituos persian e elinica-roman es debatada. La misterias ia es popular entre la militar roman.

Adorores de Mitras ia ave un sistem complicada de grados sete de inisia e comes comunial ritual. Comensores ia nomi se sindexioi, los "unida par la presa de manos". Los ia asembla en templos suteran, aora nomida un mitreo, multe de cual survive. La sentro de la relijio es probable Roma, e lo ia es popular tra la dui ueste de la impero, tan sude como Africa roman e Numidia, tan norde como Britan roman, e a un estende min grande en Suria roman en la este.

Mitraisme ia es videda como un competitor de cristianisme temprana. En la sentenio 4, mitraists ia sufri persegue de cristianes roman e la relijio ia es a pos supresada e eliminada en la impero par la fini de la sentenio.