Mitocondrio

De Vicipedia
1 Membrana esterna • 1.2 Porinas • 2. Spasio entre membranas • 2.1 Spasio entre crestas • 2.2 Spasio periferial • 3 Laminas • 3.1 Membrana interna • 3.11 Membrana de borda interna • 3.12 Membrana crestal • 3.2 Matris • 3.3 Crestas • 4 ADN mitocondrial • 5 Graneta de matris • 6 Ribosoma • 7 Sintase de ATP

La mitocondrio es un organeta coereda par du membranos, trovada en la plu de organismes eucariotal. Alga selulas en alga organismes multiselulal pote no ave los (per esemplo, selulas roja de sangue matur en mamales). Alga organismes uniselulal, como microsporidias, parabasalias, e diplomonades, ia redui o cambia sua mitocondrios a otra strutures. Sola un eucariota, monosercomonoides, no ave cualce mitocondrios. La parola mitocondrio es derivada de la elinica μίτος ("filo"), e χονδρίον ("graneta" o "granin"). Mitocondrios jenera la pllu de un selulas furnis de adenosin trifosfato (ATP), usada como un fonte de enerjia cimical.

Mitocondrios es tipal entre 0.75 e 3.0 μm de diametre, ma varia multe en grandia e strutur. Si no tinjeda, lo no es vidable. Estra la furni de enerjia, los es envolveda en siniali, difere entre selulas, mori de selulas, e manteni controla de la siclos e crese de selulas. Mitocondrios es implicada en alga maladias de umanas, como maladias mitocondrial, malfunsiona o fali de la cor, e autisme.

La cuantia de mitocondrios en un selula pote varia par organisme, texeda, e tipo de selula. Per esemplo, la selulas roja de sangue no ave mitocondrios, an ce selulas de la figato pote ave plu ca 2000. La organeta es composada de compartes cual ave funsiones spesialida. Esta compartes inclui la membrana esterna, la spasio entre membranas, e la membrana interna, la crestas, e la matris.

An si la plu de la ADN de un selula es contenida en la nucleo, la mitocondrios ave sua jenom autonom cual es multe simil a la jenomes de baterias. La protenas mitocondrial (cual transcrive de la ADN de la mitocondrio) varia dependente de la texeda e la spesie. En umanas, 615 tipos de protena ia es identifiada de la mitocondrios cardial. En ratas, 940 protenas ia es reportada. La proteom mitocondrial es suposada como regulada dinamical.

Vide ance[edita | edita la fonte]