Aplogrupos mitocondrial

De Vicipedia
Jump to navigation Jump to search
La distribui de la aplogrupos mitocondrial umana entre 2054 persones de 26 poplas
Un arbor de aplogrupos mitocondrial e mapa de distribui. La numeros es eticetas de la aplogrupos, e dona la loca de un de la mutas resultante en la aplogrupo derivada; la jeografia de la distribui de aplogrupos es asentuada par color

En la jenetica umana, un aplogrupo mitocondrial es definada par la diferes en la ADN de la organetas en la selula nomida mitocondrio. Mitocondrios es comun descriveda como la "sentros de potia" de la selula, car los jenera cuasi tota de la adenosin trifosfato (ATP) en la selula, cual es un fonte de enerjia cimical. Plu, mitocondrios ave otra roles, como siniali la reprodui, difere, crese, e mori de selulas.

Car la ADN de mitocondria es transmeteda sola tra la ova, on pote segue la linias de femes tra la edas, par oserva la mutas. Esta mutas defini la aplogrupos, cual pote es usada per represente la puntos major de branci de la arbor de filojenetica mitocondrial. Es clar ce la orijina ultima de esta brancis es un fem ci ia abita en Africa. El es comun nomida "Eva mitocondrial". Ma on nesesa recorda ce umanas moderne desende de multe otra femes ance - ma sola un ia transmete a nos la mitocondrios survivente.

La nomes de la aplogrupos es tipal leteras, de A a Z. Los ia reseta sua nomes en la ordina de descovre de la mutas, e donce no refleta la relatas jenetica vera. Eticetas plu siensal es ance usada.