Matematica fundal
Matematica fundal es composada de temas enseniada en la scolas prima e liseos.
La temas la plu fundal en matematica es aritmetica e jeometria. Comensante en la desenios ultima de la sentenio 20, on ave un asentua cresente a resolve problemes. Lo es un paso esensal per comprende siensa.
En la liseo, la temas xef en matematica fundal es aljebra e trigonometria.
Temas[edita | edita la fonte]
Numeros intera[edita | edita la fonte]
La numeros intera es los usada per conta (como en "on ave ses monetas sur la table") e ordina (como en "esta es la site tre de la plu grandes en la pais"). En lingua comun, esta intendes es distinguida par la usa de numeros cardinal e ordinal.
Unias de mesura[edita | edita la fonte]
Un unia de mesura es un cuantia definida de un cuantia fisica, definida e adotada par costum o par lege, cual es usada como un norma per mesura un mesma cuantia fisica. Cualce otra valua de la cuantia fisica pote es espresada como un multiple simple de la unia de mesura.
Fratos[edita | edita la fonte]
Un frato representa un parte de un intera o, plu jeneral, cualce cuantia de partes egal. Cuando parlada en elefen, un frato descrive cuanto partes de un serta grandia on ave, pe, "tre cuatris".
Egalis e formulas[edita | edita la fonte]
Un formula es un identia construida usante la simboles e la regulas de formi de un lingua lojical. Pe, determina la volum de un sfera nesesa un cuantia importante de calculo integral o sua analoja jeometrial, la metodo de fatiga; ma, fante esta a un ves en relata con alga parametre (la raio, per esemplo), la matematicistes ia produi un formula per descrive la volum. Esta formula es:
Representa de datos e analise[edita | edita la fonte]
Datos es un colie de valua de variables. Los es tipal la resulta de mesuras e pote es videda usante grafes.
Datos como conseta astrata pote es videda como la nivel la plu basa de astratia, de cual informa e, a pos, sabe es derivada.
Rondi e dijitos sinifiosa[edita | edita la fonte]
Estima[edita | edita la fonte]
Estima es la prosede de trova un estima o aprosimi, cual es un valua usable per alga intendes an si la datos entrada ta es noncompleta, nonserta o nonstable. An tal, la valua es usable car lo es derivada de la informa la plu bon disponable.
Desimales[edita | edita la fonte]
Un frato desimal es un frato de cual la dividente es un potia de des.
Persentos[edita | edita la fonte]
Un persento es un numero o proportio espresada como un frato de 1000. Lo es frecuente indicada usante la sinia de persento, "%".
Proportios[edita | edita la fonte]
Du cuantias es proportial si un cambia en un es sempre acompaniada par un cambia en la otra, e si la cambias es sempre relatada par usa de un multiplinte constante. La constante es nomida la fator de proportialia.
Jeometria analisal[edita | edita la fonte]
La jeometria analisal es la studia de jeometria usante un sistem de coordinadas. Lo contrasta con la jeometria sintesal.
Numeros negativa[edita | edita la fonte]
Un numero negativa es un numero cual es min ca zero. Esta numeros es frecuente usada per representa la cuantia de un perde.
Regla e compas[edita | edita la fonte]
La construi con regla e compas es la construi de longias, angulos e otra figures jeometrial usante sola un regla e un compas idealida.
Acorda e similia[edita | edita la fonte]
Du figures es acordante si los ave la mesma forma e grandia, o si la un ave la mesma forma e grandia como la imaje mirorida de la otra.
Du ojetos jeometrial es simil si ambos ave la mesma forma o la un ave la mesma forma como imaje mirorida de la otra.
Jeometria con tre dimensiones[edita | edita la fonte]
La jeometria spasial (o solida) ia es la nom tradisional per la jeometria de la spasio euclidal en tre dimensiones.
Numeros rasional[edita | edita la fonte]
Un numero rasional es cualce numero cual pote es espresada como la proportio o la frato p/q de du enteros, con la dividente q nonegal a zero. Considerante ce q pote es egal a 1, tota entero es un numero rasional. La colie de tota la numeros rasional es frecuente indicada par un Q o par .
