Marsupial

De Vicipedia
Jump to navigation Jump to search
Alga marsupiales
Un coala
Distribui de la marsupiales
Arbor filojenetica de marsupiales

Un marsupial es cualce membro de la infraclase de mamales, Marsupialia. Tota marsupiales vivente es trovada en Australasia e la Americas. Un cualia comun per la plu e esta spesies es ce la enfantes es portada en un pox, nomida la marsupio. Marsupiales bon conoseda inclui cangarus, ualabis, coalas, liscores, oposumes, uombatas, diablos tasmanian, e la tigres tasmanian estinguida.

Marsupiales representa la clado cual ia orijina de la asendente comun final de metaterianes esistente. Como otra mamales en la metaterianes, los pare un enfante relativa nondevelopada cual tipal abita un pox en la adomen de sua madre per un estende de tempo. Cuasi 70% de la 334 spesies esistente es trovada en Australia, Tasmania, Gine Nova, e isolas prosima. La resta es trovada en la Americas, xef en America Sude, con 13 en America sentral, e un en America Norde, norde de Mexico.

La parola marsupial deriva de marsupio, la terma tecnical per la pox adomenal, e marsupio es de la parola elinica antica άρσιππος, cual sinifia "pox".

Marsupiales ave la cualias tipal de mamales, pd mamelas, tre osos en la orea media, e capeles vera. Ma on ave alga diferes stonante ance cual separa los de la euterias.

La organos de reprodui difere de la mamales plasental. Per marsupiales, la dutos de reprodui es duplida. Femas ave du uteros e du vajinas, e ante pare, un canal per pare formi entre los. La plu de marsupiales mas, estra la macropodos e la talpas marsupial, ave un penis divideda, separada en du colones, afin la penis ave du finis cual coresponde a la du vajinas de la fema. La penis es usada sola en copula, e es separada de la dutos per urina.

Marsupiales pare cuando la enfantes es ancora en un paso temprana de developa. Pos nase, la marsupiales nova ia trepa supra la corpos de sua madres e lia se a un teta, cual es locada a la adomen de la madre, en la marsupio o abrida a la ambiente. La enfantes resta ala per alga semanas, liada a la teta. La enfantes pote sorti ultima la marsupio per periodos corta, e reveni a lo per caldia, proteje, e nuri.

En ajunta de la pox, marsupios ave otra marcas strutural. Rotulas osida es asentia en la plu de marsupios moderna, e osos epipubica es presente. Marsupiales (como monotremes) manca ance un interlia entre la du duis de la serebro como la corpo calo.