Ualabi
Un ualabi es un Macropodidae (macropodo) de un grandia peti o media, nativa a Australia e Gine Nova, con cuantias introduida a Zeland Nova e Britan e otra paises. Lo es en a mesma familia como cangarus, ma cangarus es categorida como la cuatro spesies la plu grande de la familia. La nom ualabi es derivada de la lingua dharug walabi o waliba
Ualabis fasa alga menasas. Los ia es xasada per sua carne e pelo per milenios. Predores inclui dingos (can australian), canes domada e savaje, gatos savaje, e volpes roja. An tal ualabis pote defende se con colpas de pedes e mordes, umanas es ance un menasa. Multe ualabis ia es vitimes de colides con autos, car los come frecuente prosima a ruas e areas urban.
Jeneros
[edita | edita la fonte]- Macropus, 9 spesies, incluinte la ualabi con colo roja;
- Wallabia, un spesie, la ualabi de pantanes;
- Petrogale, 17 spesies, nomida la ualabis de rocas, per sua abitada;
- Lagostrophus, 4 spesies, nomida la ualabis leprin, per sua moves simil a los de lepres;
- Onchogalea, 3 spesies, nomida la ualabis con codos spinosa;
- Dorcopsis, 4 spesies, nomida ualabis de forestas;
- Dorcopsulus, 2 spesies, ance nomida ualabis de forestas;
- Thyloigale, 7 spesies, nomida pademelones, comun videda como un otra jenera;
- Setonix, un spesie, nomida cuocas.
La jenero Macropus inclui la ualabis cual sembla plu la cangarus, an si plu peti. Ma un spesies, la ualabi nanin (Macropus dorcopsulus) es nativa a Gine Nova e es la plu peti de tota ualabis. Lo es sirca 46 cm de nas a fini de codo, e pesa sirca 1.6 kg.