Liscor

De Vicipedia
Jump to navigation Jump to search
Un liscor zucarosa
Un liscor mogano
Un liscor pigmeo

La familia Petauridae, conoseda comun como liscores, es un grupo de marsupiales arboral ci pote lisca con membranas entre sua gamas fronte e dorsal. La Petrauridae ave ses spesies: la liscor zucarosa, liscor scuralin, liscor mogano, liscor norde, liscor con adomen jala, e la liscor Biak. Los es nativa a Australia o Gine Nova.

Un otra familia, la Acrobatidae es ance conoseda como liscores. Lo ave du spesies: la liscor pigmeo (o liscor con coda plumin), e la oposum con coda plumin. La liscor pigmeo es nativa a Australia, e la oposum a Gine Nova.

Liscores es tipal noturna e peti (a veses sirca 400 mm, incluinte sua coda) e ave plias de pel laxe entre sua polso e talo, nomida un patajio. Los usa la patajios per lisca de un arbor a un otra par salta e estende sua membros. Los pote lisca per plu ca 140 metres. Estra la plias de pel, liscores ave oios grande e fasante a ante, fases corta (ma puntida), e codas longa e plata cual los pote usa como timones en lisca.

Tota liscores es omnivores, e come sava de arbores, goma, netar, polen, insetos, mana (de la arbor eucalipto), e mielada. La plu de liscores pare solitar, ma la liscor con adomen jala e la liscor zucarosa abita en grupos.

Liscores Biak e zucarosa es relativa comun, ma la plu de otra spesies es rara. La liscores mogano es la spesie la plu menasada en Australia, la resulta de vacui de sua abitada per cultiverias grande. La liscores scuralin es ance menasada.