Mar Xines Sude

De Vicipedia
Jump to navigation Jump to search
Un imaje de la Mar Xines Sude, de un satelite

La Mar Xines Sude es un mar marjinal de la Mar Pasifica, encluinte un area de la Stretas Carimata e Malaca a la Streta Taiwan, con sirca 3,500,000 km2. La mar ave un importa grande per stratejia militar. Un tri de la comersia marina pasa tra la mar, portante plu ca tre trilion dolares american cada anio. Lo conteni peserias profitosa cual esensal per la securia de comeda per miliones de persones en Asia sude-ueste. E lo ave reservas multe grande de olio e gas su sua basa.

La mar es locada sude de Xina, este de Vietnam, ueste de la Pilipinas, este de la penisola de Malaisia e Sumatra, asta la streta Singapor en la ueste, e norde de Borneo.

On ave sentos de isolas pico de la Mar Xines Este. La mar e sua isolas, la plu de cual no es abitada, es la sujeto de multe declaras competente de propria par multe nasiones. Esta declaras es refletada en la varia de nomes usada per la isolas.

La nom varia alga en la linguas de la area:

En xines: 南海 (Nán Hǎi; leteral "mar sude")
En japanes: 南シナ海 (Minami Shina Kai; leteral "mar xines sude")
En viet: Biển Đông (leteral "mar este")
En tagalog: Dagat Timog Tsina (leteral "mar xines sude")
En melaiu: Laut China Selatan (leteral "mar xines sude")