Juas de la urso

De Vicipedia
Jump to navigation Jump to search

Juas de la urso es un familia de juas de table de cual multe ave radises istorial en la Impero Roman. Los ia es juada en partes de la impero tan distante como Turcia e Frans, e es ancora juada oji, spesial en Italia. Tota de esta juas es per du juores. Un controla tre xasores e la otra un urso. La tre xasores atenta enclui la urso per bloci sua moves, en cuando la urso atenta evita esta destina. Alga juores limita la jua a un numero sur cual los acorda, pe 40 moves e la urso gania.

La jua es relatada a la juas de volpe, e juas como rimau-rimau e bagha-chall, ma no caturas es envolveda. Lo es ance simil a la jua nomida xace de la melon acuosa de Xina. On ave un varia de tables, incluinte tables ronda e retangulo. En un varia, la table per la jua de la urso es simil a lo de xace de la melon acuosa. La jua sz'kwa usa ance la mesma table, ma la jua es tota diferente.

Un esemplo de un jua de la urso roman

La locas de la pesos depende sur la varia. Tipal, la urso es poneda en la media de la table, e la xasores es poneda con lunlotra a un fini de la table. Ambos la urso e la xasores move un cuadro a un ves, seguente la motif de la table. Si la jua es juada perfeta, la xasores gania. La jua de urso es un bon esemplo en cual umanas ave un vantaje supra la computador.