Jua

De Vicipedia
Salta a: naviga, xerca
ChessSet.jpg

Per plu, vide la categoria jua.

Un jua es un ativia de umanas en cual los trova joia, cual pote ave regulas e un gol. Multe juas ave un grado de compete entre du o plu juores. Plu, alga juas pote eserse la corpo o mente e pote instrui. Enfantes pote ance jua sin regulas o gol, ganiante joia sola par la ativia.

La difere entre juas de sporte e otra juas es difisil. Per articles sola sur sporte, vade a Sporte o un sporte spesifiada.

On ave tre categorias de juas en usa comun:

  1. Juas de capasia fisical, per esemplo fusila a marcos o multe juas de enfantes.
  2. Juas de stratejia, per esemplo xace, damas o go.
  3. Juas de acaso, per esemplo dados.

Alga juas ave cualias de plu ca un categoria. Per esemplo, pocer e trictrac es ambos juas de acaso e de stratejia. Futbal es stratejial, acaso e fisical.

Magpie hopscotch.jpg

Nos pote ance divide juas par sua aparatos:

  • Juas cual usa un bal, como la plu de sportes.
  • Juas cual usa dados.
  • Juas cual usa un table e pesos, como xace.
  • Juas cual usa cartas, como brij.
  • Juas cual usa aparatos plu complicada, como biliardo o pinbal.
  • On ave ance juas cual usa no aparatos - sola la corpo o la mente!

Nos pote ance categori juas par la cuantia de juores. Multe juas de stratejia ave du juores. Sportes ave comun multe juores. On ave ance juas cual un person solitar pote jua, como cartas solitar e juas de computador.

Juas[edita | edita la fonte]