Cartas solitar

De Vicipedia
Jump to navigation Jump to search

Cartas solitar es un familia de juas per un person, juada con cartas. La plu de esta juas usa un o du pacos de cartas, e ave la gol de fini en un modo predeterminada. Como un esemplo, a su es la regulas per la jua de cartas solitar plu poplal: Klondike (pronunsiada Clandaic), de la parte de Canada norde-ueste do la jua ia es poplal entre la escavores de oro.

On comensa con un paco de 52 cartas. Per crea la table, on pone un carta, con fas a alta, a la sinistra de la table, segueda par ses cartas con fas a basa (de sinistra a destra). Sur la cartas con fas a basa, on pone un carta, fas a alta, sur la prima, e sinco cartas con fas a basa a la resta. On continua en esta moda asta cuando on ave sete pilas de cartas con un carta, fas a alta, a la culmine de cada, como la model a la destra.

Cuatro fundas (la retangulas a la destra superior de la model) es construida par familia de cartas de la as (la carta minimal en esta jua) a la re (la carta masima). A la table, on pote ajunta cartas de un forte un min de la carta presedente, ma en la color oposada (la roja sur la negra, o la negra sur la roja). La gol ultima es la move a la cuatro fundas de la table, pos cuando on ia pone ala la as, tota de la mesma familia.

La cartas cual resta en la mano es abrida, tre en un turno. Si la carta tre pote es poneda sur un otra carta a la pilas orijinal o fonte, on pone el ala. Si no, on continua abri la cartas en la mano, tre en un turno. Cuando on ariva a la carta final, on recomensa con la mesma cartas. Un otra metodo es la abrida de un carta en un turno, ma vade tra la cartas sola un ves.