Xace

De Vicipedia
Parte de un colie de xace Staunton (sinistra a destra): re blanca, tore negra, dama negra, peon blanca, cavalo negra, bispo blanca

La xace es un jua entre du juores oposante. La nom veni de la parola farsi xah, cual sinifia "re". La table ave sesdes-cuatro cuadros en oto colonas e oto orizonales, de colores cual alterna entre blanca e negra. Cada juor ave des-ses pesos – blanca per un juor e negra per la otra:

La re (R), capas de traversa sola un cuadro, ma en cualce dirije. Cada juor ave sola un re.
La dama o rea (D), capas de traversa cualce distantia en cualce dirije. Cada juor ave sola un dama.
La bispo (B), capas de traversa cualce distantia, ma sola en dirijes diagonal. Cada juor ave du bispos.
La cavalo (C), capas de fa moves con forma de L, traversante du cuadros en un dirije nondiagonal, e alora traversante un plu cuadro en un dirije perpendicular. Lo pote salta supra otra pesos. Cada juor ave du cavalos.
La tore (T), capas de traversa cualce distantia, ma sola en dirijes orizonal e vertical. Cada juor ave du tores.
La peon, normal capas de avansa par sola un cuadro (o par du cuadros en sua move prima). Cada juor ave oto peones.

Un peso catura un peso oposante par vade a la cuadro de acel peso.

Un peon pote catura sola par avansa par un cuadro en un dirije diagonal a la cuadro de un peso oposante (cual es caturada par la peon).

Si un peon avansa par du cuadros per evita deveni caturada par un peon oposante, la peon oposante pote catura lo "en pasa" en la turno direta seguente.

Si un peon ateni la linia final de cuadros, lo pote deveni un dama o un otra peso (ma no un re).

Si la re e la tore no ia move ja, e si no otra peso sta entre los, los pote move en junta en la mesma turno: la re traversa du cuadros en dirije a la tore, e la tore vade a la cuadro a la otra lado de la re, per proteje lo. On nomi esta move un roca, de la nom arabi per la peso cual nos nomi la tore). En scrive, la simbol de la roca es "o-o" (per la tore de la re) o "o-o-o" (per la tore de la dama).

La jua fini cuando un juor susede xacemata la re oposante. Acel parola veni de la frase per "la re es mor" en farsi, e lo indica un situa do la re no pote evita ce on catura lo en la move seguente. Cuando la re es menasada ma capas de fuji, on dise ce lo es xaceda.

"Xacemata" e "xace" es anunsiada par la atacor cuando la situa aveni.

Un parte de un jua es mostrada a su:


8
7
6
5
4
3
2
1
a b c d e f g h


1.   e2-e4  -    e7-e5
2. C g1-f3  -  C b8-c7
3. B f1-b5  -    d7-d6
4.     o-o  -  B c8-d7


8
7
6
5
4
3
2
1
a b c d e f g h


5. B b5xc6  -  B d7xc6
6. C b1-c3  -  D d8-d7
7.   b2-b3  -    o-o-o


8
7
6
5
4
3
2
1
a b c d e f g h


Campiones mundal de xace[edita | edita la fonte]