Istoria antica de Iberia
La istoria antica de Iberia refere a la avenis en la penisola Iberia en la eda antica. Cronolojial, lo comensa a la fini de la milenio 2 e la comensa de la milenio 1 aec (cuando referes a esta rejion comensa apare en scrivedas); lo fini con la Anticia Tarda, con la declina de la Impero Roman (de la crise de la sentenio 3), la invade de la poplas germanica (en 411), e la coloni visigoto de Espania (cual ia dura asta la anio 711).
En la milenio 1 aec, multe contatas ia aveni en la este e sude de la penisola entre la poplas nativa e la poplas coloniste istorial de la Mediteraneo este: fenisias, elinica e punicas. A fini de la sentenio 3 aec, en la contesto de la geras punica, la romanes ia comensa la romani.