Al-Andalus

De Vicipedia
Jump to navigation Jump to search
Mosque Cordoba.jpg

Al-Andalus ia es la nom arabi donada a la nasion e area teritorial en Espania ance conoseda como Iberia Moro. Lo ia es dominada par la muslimes de 711 asta 1492, an si la limitas esata de la teritorio ia cambia constante entre atacas par renas cristian.

Seguente la concista umaian de Espania, Al-Andalus, alora en sua estende masima, ia es divideda en sinco unia manejal, corespondente a lo ce oji es Andalusia, Portugal e Galisia, Castelia e Leon, Navarra, Aragon, la Contia de Barcelona e Septimania. Como un domina political, lo ia constitui un provinse de la Califia Umaian, comensada par la califa Al-Ualid 1 (711-750); la Amiria de Cordoba (s 750-929), la Califia de Cordoba (929-1031) e la renas de taifas. La governa su esta renas ia gida a un asende en la intercambia cultural e coopera entre muslimes e cristianes. Cristianes e iudis ia es sujeto a un sistem de impostas spesial a la stato cual ia dona autonomia interna per pratica sua relijio e mesma nivel de proteje par la gidores muslim. Su la califia de Cordoba, Al-Andalus ia es un faro de conose e la site de Cordoba ia deveni un de la sentro cultural e economial gidante en Europa e tra la Mediteraneo e la mundo muslim. Un numero de atenis cual ia fa avansa la siensa muslim e ueste ia veni de Al-Andalus incluinte avansas en trigonometria (Geber), astronomia (Arzachel), sirurjia (Abulcasis), farmacolojia (Avenzoar) e otra campos. Al-Andalus ia deveni un sentro de educa xef per Europa e la teras de la Mediteraneo como ance un loca de intercambia de cultur e siensa entre la mundos cristian e muslim.

Per la plu parte de sua istoria, Al-Andalus ia ave lutas con la renas cristian de la norde. A pos la cade la califia umaian, Al-Andalus ia es divideda en statos e prinsias plu peti. La atacas de la cristianes ia intensi, gidada par la castelianes su Alfonso 6. La impero almoravid ia interveni e ia forsa a via la atacas cristian en la rejion, desponente la prinses muslim e incluinte Al-Andalus su gida direta berber. En la 150 anios seguente, Al-Andalus ia deveni un provinse de la imperos muslim berber de la almoravides e la almohades, ambos basida en Maracex.

Ultima, la renas cristian de la norde de Iberia ia inonda la renas muslim a sude. En 1085, Alfonso 6 ia catura Toledo, comensante un declina gradal de la potia muslim. Con la cade de Cordoba en 1236, la plu parte de la sude ia deveni su governa cristian e la Amiria de de Granada ia debe paia tribuis a la rena de Castelia du anios a pos. En 1249, la reconcista portuges ia fini con la concista de Algarve par Afonso 3, lasante Granada como la ultima stato muslim en la penisola Iberian. A fini, la 2 janero 1492, la amir Muhammad 2 ia sede la Amiria de Cordoba a la rea Isabel 1 de Castelia, completinte la reconcista cristian de la penisola. An si Al-Andalus ia fini como stato, la sirca oto sentenio s de domina muslim cual ia presede e ia acompania la formi temprana de la stato-nasion e identia espaniol ia lasa un efeto profonda en la cultur e lingua de la pais, spesial en Andalusia.

Sosia[edita | edita la fonte]

La sosia de Al-Andalus ia es formida de tre grupos relijial: cristianes, iudis e muslimes. La muslimes, an si unida a la nivel relijial, ia ave alga divides etnical, la plu grande entre la arabis e la berberes.

En la sentenio 10, un converti de cristianes ia aveni, e la muladis, arabis e berberes ia deveni ja 80% de la popla de Al-Andalus en 1100.