Hadza (lingua)

De Vicipedia
Jump to navigation Jump to search
Mapa de hadza
Un composada de imajes de popla hadza

Hadza es un lingua isolida parlada longo la rivas de Lago Eiasi en Tanzania par sirca un mil persones hadza, la xasores-coliores final en Africa. An ce la cuantia de parlores es peti, la usa de la lingua es vivente, con la plu de enfantes aprendente lo. Plu temprana, hadza ia es incluida en la familia de linguas proposada nomida coisan, con sua lingua visin sandaue, spesial car los ave un cuantia de consonantes clicante. Ma hadza ave un cuantia minimal de parolas comun con sandaue o con otra linguas temprana clasida como coisan.

Hadza marca la parola xef en proposas e nom formulas. La ordina de parolas es flexable; la plu comun es VSO, ma VOS e SVO es ambos ance comun. Lo ave acorda de jenero e cuantia per ajetivos (de sua nom xef) e per verbos (per sua sujeto).

On ave du jeneros - mas e fema - e du cuantias -singular e plural. Interesante, la plural fema es usada per grupos de jeneros miscada. Per multe animales, la singular es usada per la plural.

sing. plural
mas -bii
fema -ko -bee

Jenero es ance usada en un modo metaforal: nomes fema deveni mas si los es notable magra; nomes mas deveni fema si los es notable ronda. Como en lfn, jenero distingui ance entre vites e sua tuberes, o arbores e sua bacas.

Hazda es notable per sua usa de nomes spesial per animales "vinseda", cual ia es usada per anunsia un mata.

Pronomes personal e mostrante es:

Pronomes
mas sing. fema sing. fema plural mas plural
1 escluinte ono onoko ôbee ûbii
1 incluinte onebee unibii
2 the theko ethebee ithibii
3 prosima hama hako habee habii
3 donada bami bôko bee bii
3 distante naha nâko nâbee nâbii
3 nonvidable himiggê himiggîko himiggêbee himiggîbii

Verbos ave un grupo alga grande de sufisas per indica tempo, modo, e aspeta, e per indica la jenero e cuantia de sua sujeto:

  • anterior/nonpasada
  • posterior/pasada
  • dependente posible
  • dependente vera
  • comandante/desirante
  • intendente (sujuntiva)

La lingua ave ance un copula e alga verbos aidante per indica segues, negativas, e sujuntivas, en la forma de prefisas.

Orijinal, hadza ave sola tre numeros: un, du, e multe. La parolas per tre, cuatro, sinco, e des es emprestada de la linguas datoga (lingua]] e sucuma. Ma on no pote espresa otra cuantias sin usante suahili, cual servi como un lingua franca en Africa este.