Gramatica

La pajes prima de un testo de la sentenio 13 de la Niruktam Vedanga, la testo de gramatica la plu vea, orijinal composada par Yaska, un erudita de la sentenio 4 aec

Gramatica refere a la sistem e strutur completa de un lingua o de linguas jeneral, tipal videda como composada de sintatica e morfolojia, e ance a veses fonolojia e semantica. La gramatica de un lingua pote es descrivente, pd un descrive de la strutur de la lingua como lo es usada par la comunia de parlores o un parte de acel comunia, o prescrivente, pd la strutur de la lingua como prefereda par un corpo governante o instruores de la lingua, o como videda par la publica jeneral como la modo "coreta" de usa la lingua. Car linguas cambia continual, ambos debe cambia ance, ma tipal la gramatica prescrivente cambia multe plu lenta ca la lingua como parlada.