Enerjia cinetica

La vagones de un via ondante ateni sua enerjia cinetica masima cuando a la funda de la via. Cuando los comensa asende, la enerjia cinetica comensa es convertida a enerjia potensial gravital. La soma de enerjia cinetica e potensial en la sistem resta constante, iniorante perdes a frica.

En fisica, la enerjia cinetica de un ojeto es la forma de enerjia cual lo posese par causa de sua move.

En mecanica clasica, la enerjia cinetica de un ojeto nonjirante de masa m viajante a un rapidia v es ${1 \over 2}mv^{2}$.

La enerjia cinetica de un ojeto es egal a la labora, forte (F) multiplida par desloca (s), nesesada per ateni sua rapidia declarada. Pos gania esta enerjia en sua aselera, la masa manteni esta enerjia cinetica estra si sua rapidia cambia. La mesma cuantia de labora es fada par la ojeto cuando lo desaselera de sua rapidia corente a un state de reposa.

La unia SI de enerjia cinetica es la jul, ma la unia engles de enerjia cinetica es la pede-libra.

En mecanica relativiste, ${1 \over 2}mv^{2}$ es un bon aprosimi de enerjia cinetica sola cuando v es multe min ca la rapidia de lus.