Mecanica clasica

Mecanica clasica o mecanica newtonian descrive la move de ojetos vidable, de misiles a partes de macinas, e ojetos astronomial, como veculos spasial, planetas, stelas e galasias.

Si la stato presente de un ojeto es conoseda lo es posible predise par la leges de mecanica clasica como lo va move en la futur (determinisme) e como lo ia move en la pasada (reversablia).

La developa la plu temprana de mecanica clasica es refereda como mecanica newtonian. Lo es formida par consetas fisical usada e la metodos matematical inventada par Isaac Newton, Gottfried Wilhelm Leibniz e otras en la sentenio 17 per descrive la move de corpos su la influe de un sistem de forsas.

Plu tarda, metodos plu astrata ia es developada, gidante a reformula de mecanica clasica conoseda como mecanica lagrangian e mecanica hamiltonian. Esta avansas, fada xef en la sentenios 18 e 19, ia estende ultra la labora de Newton. Los es, con alga cambia, usada en tota areas de fisica moderna.

Mecanica clasica furni resultas multe esata cuando studia ojetos grande cual no es multe masosa e de cual la rapidia no prosimi la de lus. Cuando la ojetos esaminada ave un grandia de la diametre de un atom, lo deveni nesesada introdui otra sucampo plu grande de mecanica: mecanica cuantal. Per descrive rapidias cual no es peti comparada con la rapidia de lus, relativia jeneral es nesesada. En casos en cual ojetos deveni estrema masosa, relativia jeneral deveni aplicable. An tal, un numero de fontes moderna inclui mecanica relativial a en mecanica clasica, cual seguente sua punto de vista representa la forma plu developada e esata de mecanica clasica.