Elfo de natal

De Vicipedia
Jump to navigation Jump to search


Los ia es prima introduida en leteratur par Louisa May Alcott en 1856. La carater de Santa Claus es multe plu vea, comensante en folclor de SUA en la sentenio 17 temprana de la istorial San Nicolas de Mira, con atribuis de la tradisiones european per natal, spesial de Father Christmas ("padre natal") de England, e de Sinterklass ("santa claus"). La asosia de donadas con elfos ave presedentes en la dui prima de la sentenio 19 con la tomte en Sveria e nisse en Danmarc.

La imaje de la elfos en la laboreria ia es popularida par Godey's Lady's Book (libro per femes par Godey), con un desinia per la covre de sua puplici per natal en 1873. La imaje mosta Santa ensircada par juetas e elfos. En esta periodo, Godey's ia es multe influente per la nase de tradisiones per natal. Lo ia ance demostra la imaje prima de un arbor moderna de natal a la covre de sua publici de 1850. Plu reconose ia es donada en la obra par Austin Thompson de 1876: "La casa de Santa Claus, un presente de un fable per scolas de soldi".

Otra tradisiones ave otra aidores per Santa, dependente de la pais. En Nederland e Beljia, San Nicolas es acompaniada par Zwarte Piet ("petro negra"). Esta tradision es controversial per la usa de "blackface", per dise, macia negra sur la fas, cual es videda par multe como un insulta per persones negra par remente edas de sclavia. En Island, la aidores es la Xicos de Iul (natal), ci distribui donadas e trucos. En Deutxland, la aidor es nomida Knecht Ruprecht, un servante vea. En Luxemburg, la aidores es conoseda como Hoesecker. En paises scandinavian, los es nisser, no elfos (an si los es multe simil). La nisser porta sola roja.