Edmund Hillary

De Vicipedia

Edmund Percival Hillary (20 julio 1919 – 11 janero 2008) ia es un esploror e montanior de Zeland Nova. A 29 maio 1953, el e la montanior xerpa Tenzing Norgay ia deveni la trepores prima ci ateni la culmina de Montania Everest. Los ia es un parte de un mision engles a Everest, gidada par John Hunt.

Hillary ia deveni interesada en la asende de montanias cuando el ia es ancora en scola, e ia fa sua asende prima en 1939 a Montania Olivier. El ia es un navigor en la RNZAF en la Gera Mundal Du. El ia vade ancora a la Polo Norde e la Polo Sude.

Pos sua asende de Everest el ia dedica sua vive per aida la popla xerpa de Nepal con la Himalayan Trust cual el ia fundi. Par sua laboras, multe scolas e ospitales ia es construida en esta parte distante de la Himalaias.

Sir Edmund ia es ance un abeor (un person ci manteni abeas per colie la miel).