Edinburgh

De Vicipedia
Jump to navigation Jump to search
EdinburghMontage.png

Edinburgh es la capital de Scotland, la loca de la parlamento e governa scotes, la site con la area la plu grande en la pais, e la site con la popla du la plu grande en la pais. Lo ave un popla de cuasi 500 000 persones. Lo es la capital de pos 1437, cuando la rena de James II Stuart ia comensa.

En gailica, sua nom es Dùn Èideann. Lo ave la nometas Auld Reekie (cual sinifia "fumosa") e Edina. En la dialeto local, on nomi lo Embra. En franses es Edimbourg e en arabe Edinbra.

Sua slogan es en latina: Nisi Dominus frustra ("Sin la Senior, futil").

Lo ave 4 membros de parlamento de la partito Labour, e 1 de Liberal.

La consilio de la site es: Labor 20 : Nasionaliste 18 : Conservatiste 11 : Verde 6 : Democratiste Liberal 3.

Sua strada sentral es la Milia Reial.

La palasio Holyrood (de cual sua nom sinifia "crus santa" en engles vea) es la loca ofisial en Scotland de la Rea, Elizabeth 2 de England, ma Elizabeth 1 de Scotland.

Reconoseda como la capital de Scotland de pos la sentenio 15, e cisa de plu temprana, Edinburgh conteni la Parlamento Scotes e la seja de la monarcia en Scotland. Istorial un parte de Midlothian, la site es ja longa un sentro de educa, spesial en la campos de medica, lege scotes, leteratur, la siensas e injenia. Lo es la sentro finansical la plu grande en la Rena Unida, pos London. La atraes istorial e cultural de la site ia fa ce lo deveni la numero du de la destinas la plu popular per turistes, denova pos London, atraente plu ca milion visitores ultramar en cada anio.

Istoria[edita | edita la fonte]

La abita umana la plu temprana conoseda en la rejion de Edinburgh ia es a Cramond, do on ia trova indicas de un camperia mesolitica cual on ia dati a s 8500 aec. On ia trova trasas de abitas plu tarda, de la edas de bronze e fero, sur Castle Rock, Arthur's Seat, Craiglockhart Hill e la Colinas Pentland.

Cuando la romanes ia ariva en Lothian a fini de la sentenio prima ec, los ia descovre un tribu celta, de ci los ia scrive sua nom como votadini. A alga tempo ante la sentenio 7 ec, la gododines (suposable desendentes de la votadinos) ia construi un fortresa de colina nomida Din Eidyn o Etin.

En 638, la fortres de la gododines ia es asejada par soldatos de Re Oswald de Northumbria, e sirca esta tempo, la controla de Lothian ia pasa a la anglos. Sua influe ia dura tra la tre sentenios seguente asta sirca 950, cuando, en la rena de Indulf, fio de Constantino 2, la burh (fortres) ia es concistada par la scotes, e la resta su sua autoria a pos.

En la Arcivo Picto de la sentenio 10, la fortres es nomida oppidum Eden.

Sita[edita | edita la fonte]

Edina! Scotia's darling seat!
All hail thy palaces and tow'rs!

Rabbie Burns (1759–96)