Diton (unias de mesura)

De Vicipedia
Jump to navigation Jump to search
Un regla con sentimetres (a alta) e ditones (a basa)

Diton (engles inch) es un unia de longia, cual egal 2,54 sentimetres esata. La diton orijinal ia es la uncia (diton) roman, cual ia egal 1/12 de un pes (pede), cual ia es normida en la rena de Agripa a sirca 0,97 ditones moderne, o sirca 2,46 sentimetres. La nom uncia es la orijina de la engles inch, pos la efetos de umlaut e palati sur la anglonorman unce.

La diton ia es definada en multe modos variosa tra Europa. Per la anglosasones de England temprana, la unia de longia ia es un barleycorn (gran de orzo), e pos 1066 e la invade par la normandes, tre de los ia composa un diton. En Frans, la defini de pouce (diton) varia de un rejion a un otra. Carlo la grande ia atenta normi mesuras par institui la pied du roi (diton de la re), cual ia egal 1,066 de un pede moderne, o 32,48 cm, de cual on deriva un pouce (diton) par divide par 12, o sirca 2,707 sentimetres. En Nederland, los usa la voet (pede), ma lo ia es composada de 11 duimes (ditones). Varias e noncoerentes simil esiste tra Europa.

En la Rena Unida e la plu de paises de la Comunia Brites, un inch ia es definida como 1/36 de la imperial standard yard (iard normal imperial), en un sistem prima definida en la British Weights and Measures Act (Ata brites de pesas e mesuras) de 1825. En 1930, la British Standards Institution (Institui de normas brites) ia adota la defini de un "inch" de esata 2.54 cm. La American Standards Association (Asosia de normas american) segue esta defini. Pos 1935, la industrias de 16 nasiones ia adota esta defini.

En 1875, 17 nasiones ia suscrive a la Trata de la Metre. De alora, cuasi tota nasiones de mundo usa la Sistem internasional de unias, acc la sistem metrica. An la nasiones anglofon, incluinte la SUA, usa lo ance, an si en coordina con la sistem vea.