Denisovan

De Vicipedia
Jump to navigation Jump to search
La Cava Denisova

La denisovanes es un spesie o suspesia antica de umania estinguida. Los ia estende tra Asia en la paleolitica temprana e media, e ia survive posible tan tarda como 30,000 a 14,500 anios ante aora en Gine Nova. Denisovanes es conoseda de un cuanti peti de restas e la plu cual on pote conose de los deriva de indicas de ADN.

La person prima identifiada como un denisovan ia es trovada en 2010 en la ADN mitocondrial estraeda de un oso de un dito de un fema joven de la Cava Denisova en Sibir. ADN nucleal indica un prosimia jenetical con la neandertales. La cava ia es ance usada a veses par neandertales, ma lo no es clar si ambos grupos ia abita ala con lunlotra. Plu esemplos de la cava ia es descovreda, e un esemplo de la Cava Baishiya Karst a la plato alta tibetan. Esta sujesta ce los ia abita en un varia de abitadas, incluinte forestas, tundras, montanias, e junglas. La ADN sujesta ce los ia ave pel, oios, e capeles brun, e ia ave un forma e fas simil a neandertales, ma con dentes molente plu grande, cual sujesta umanas plu antica o australopitecos.

Lo pare ce la denisovanes ia reprodui con umanas moderna, con sirca 3 a 5% de la ADN de melanesianes e australianes orijinal, e sirca 6% en papuanes derivante de la denisovanes. La denisovanes e umanas moderna ia misca en Gine Nova tan resente como 15,000 anios ante aora. On ave ance indicas de misca con neandertales, con sirca 17% de la jenom de la denisovanes en la Cava Denisova derivante de los. Un ibride temprana, nomida "Denny", ia es descovreda con un padre denisovan e un madre neandertal. 4% de la jenom denisovan deriva de un spesie umana antica no conoseda, cual ia separa de umanas umana plu ca un milion anios ante aora.