Australianes orijinal

De Vicipedia
Jump to navigation Jump to search
Un grava de la sentenio 19 mostrante australianes de la tribu Gweagal, oposante la ariva de Capitan James Cook en 1770
Ator australian Rarriwuy Hick, portante un camisa con la bandera aborijinal

La istoria de la australianes orijinal (ance nomida la aborijinales) ia comensa a min 65 mil anios pasada, cuando umanas ia popli prima Australia.

La orijina de la umanas prima per popli la continente sude resta un caso de divina e debata. Alga antropolojistes crede ce los ia ariva como la resulta de la migras plu temprana de Africa. An si los ia migra serta a Australia tra Asia sude-este, los no es mostrada como relatada a cualce popla asian o polinesian. On ave alga evidentes de intercambia entre australianes de la norde estrema e la popla austronesian de Nova Gine moderne e la isolas ueste e norde, ma esta pote es un resulta de comersia e intersposi resente.

A la tempo de la contata prima par europeanes, on estima ce entre 315 mil e 750 mil persones ia abita Australia en grupos diversa. Estimas alta sujeste ce la cuantia es tan alta como 1.25 milion. Un cuantia de popla culminante de 1.6 bilion persones ia es estimada ci ia vive en Australia plu ca 65 mil anios ante la coloni par la brites. La rejiones de cuantia de popla la plu grande ia es la mesma rejiones temperada a la costa cual es aora ave la cuantia de popla la plu grande. En la sentenio 19 temprana, lo ia crede comun ce la australianes orijinal ta vade a estingui. La popla diminui de cuando Australia ia es colonida en 1788 a sirca 50 mil en 1930. Lo ia es prima la resulta de variola e, a un estende min grande, de otra maladias, incluinte maladias sesal. Un otra causa ia es la introdui de alcol, tabaco, e opio. E, en alga casos, la colonistes ia mata aborijines sin compatia e destrui sua recursas par restrinje de move, la introdui de bestias como oveas, e mal maneja de la tera cultivada.

Pos coloni, la popla orijinal de la costa ia es pronto asorbeda, diminuida, o forsada de sua paises. La aspetas tradisional de vive aborijinal cual ia resta, ia persiste la plu forte en areas como la Deserto Arenosa Grande, do la coloni par europeanes ia es minimal. La densia a plu grande ia es trovada en a rejiones a la sude e este, spesial la vale de la Rio Murray. Ma la australianes orijinal ia manteni comunias susesosa tra Australia, de la montanias fria e moiada de Tasmania a la partes seca de la interna. Tecnolojia, dietas, e modos de xasa ia varia per la ambiente local.