Dam

De Vicipedia
Jump to navigation Jump to search
La Dam, con la Monumento Nasional en la sentro

La Dam es un plaza en Amsterdam, la site capital de Nederland, e un de la plu bon conoseda e importante locas en la site e la nasion.

A la fini ueste de la plaza es la Palas Real (Amsterdam), un constuida neoclasica cual ia servi como la salon de site de 1655 a sua converti a un casa per la familia real en 1808. A lado de lo es la Nieuwe Kerk ("eglesa nova"), de la sentenio 15. Ance sur la plaza es la Otel Grande Krasnapolsky e un boteca de departes De Bijenkorf ("la aberia").

La Dam deriva sua nom de sua funsiona orijinal: un dam (parario) a la rio Amstel, de cual la site ia deriva ance sua nom. Construida en sirca 1270, la parario ia es la junta prima entre la vilas a la du lados de la rio. En cuando la dam ia es gradal plenida, lo ia deveni vasta sufisinte per un plaza, cual ia resta como la cor de la vila cual ia developa sirca lo.

En 1856, un monumento nomida la Eendracht ("la unia") ia es presentada en la plaza ante Re Willem 3. Un colona de petra con un figur de un fema a supra cual represente la nasion. El ia reseta la nometa Naatje, cual es un nometa per Caterina, ma es vera un maleje de Nasie (nasion), un parte de la engrava su la sculta. La monumento ia es estraeda en 1914.

En 1956, un monumento nova ia es erijeda en la Dam, un pilon dedicada a la memoria de la vitimes de la Gera Mundal Du.

Un panorama de la Dam