Dacota (lingua)
| Dacota Dakhótiyapi, Dakȟótiyapi | |||
|---|---|---|---|
| Parlada en: | |||
| Area: | |||
| Tota parlores: | 20 000 | ||
| Familia: | Linguas su | ||
State ofisial
| |||
| Lingua ofisial de: | |||
| Regulada par: | |||
Sifras
| |||
| ISO 639-1: | [1] | ||
| ISO 639-2: | dak | ||
| ISO 639-3: | [2] | ||
| SIL: | [3] | ||
Mapa
| |||
 La dacota, locas orijinal e oji.
| |||
| Vide ance: Lingua – Lista de linguas | |||
Dacota (engles: Sioux, pronunsiada "su") es un lingua de la Linguas su, parlada par plu ca 33 000 persones en la SUA e Canada. Lo es la lingua sinco la plu parlada en la SUA e Canada, pos navaho, cri, inuit e ojibue.
Dacota ave tre varias major con plu suvarias:
- 1. Lacota (acc Lakȟóta, Teton, Teton Sioux)
- 2. Dacota ueste (acc Yankton-Yanktonai o Dakȟóta)
- Yancton (Iháŋktȟuŋwaŋ)
- Yanctonai (Iháŋktȟuŋwaŋna)
- 3. Dacota este (acc Santee-Sisseton o Dakhóta)
- Santi (Isáŋyáthi: Bdewákhathuŋwaŋ, Waȟpékhute)
- Siseton (Sisíthuŋwaŋ, Waȟpéthuŋwaŋ)
Dacota ueste es fonetical plu prosima a dacota este, ma es gramatical e vocabulal multe plu prosima a lacota. Donce, dacota ueste e lacota es plu comprendable la un per la otra ca los es con dacota este. Plu distante relatada a la lingua dacota es la linguas asiniboine e stoni, de cual sua parlores usa la nom nacota (Nakhóta) per se, un nom noncoreta usada en la pasada per dacota ueste.
Pronunsia e spele
[edita | edita la fonte]Dacota no ave un sistem de spele cual tota ia aseta, ma la varias es simil. En alga sistemes, la varias de fonemes simple no es indicada.
vocales
[edita | edita la fonte]- a (/a/)
- e (/e~ɛ/)
- i (/i/)
- o (/o/)
- u (/u/)
Dacota distingui entre vocales corta e longa. Longia, si indicada, es indicada par un asentua agu (´).
Dacota ave ance vocales nasalida. Estas es indicada par un simbol seguente (comun n, ƞ, ŋ) o par un onca su la vocal ( ̡ ).
consonantes
[edita | edita la fonte]- ´ o ʾ (/ʔ/)
- b (/p~b/)
- c o č (/tʃ/)
- d (/t~d/)
- g (/k~ɡ/)
- g, ǧ, o ġ (/ʁ~ɣ/)
- h (/h/)
- h, ȟ, o ḣ (/χ/)
- k (/k/)
- l (/l/)
- m (/m/)
- n (/n, ŋ/)
- p (/p/)
- s (/s/)
- š o ṡ (/ʃ/)
- t (/t/)
- w (/w/)
- y (/j/)
- z (/z/)
- ž o j (/ʒ/)
Alga consonantes pote es segueda par otra sonas:
- ’ (/’~ʔ/)
- h (/h~x/)
- h o ȟ (/χ~ɣ/)
Morfolojia
[edita | edita la fonte]La morfolojia e sintatica de dacota es multe complicada. Lo ave prefisas, sufisas e infisas:
Esemplo de la usa de la sufisa –pi:
- ma-khata - ‘me es calda’ (me-calda)
- khata-pi - ‘los es calda’ (0-calda-pl.)
Esemplo de la usa de la prefisa wicha-
- wa-kte - ‘me mata el’ (0-me-mata)
- wicha-wa-kte - ‘me mata los’ (los-me-mata)
Esemplos de infisa:
- iye-checa ‘sembla’
- iye-ni-ma-checa - ‘tu sembla me’ (me-sembla-tu)
- iskola ‘es tan peti como’
- i-ni-ma-skola - ‘tu es tan peti como me’ (me-es.tan.peti.como-tu)
Sintatica
[edita | edita la fonte]Dacota ave un ordina de parolas SOV (sujeto-ojeto-verbo) e usa posposadas:
- wichasta-g wax aksica-g kte
- (om-DET urso-DET mata)
- ‘la om mata la urso’
- wax aksicas-g wichasta-g kte
- (urso-DET om-DET mata)
- ‘la urso mata la om’
En dacota, la verbo es la parte la plu importante de la frase. Verbos es clasida en tre clases: statica, ativa-transitiva, e ativa-nontransitiva. Esemplos:
1. statica:
- ma-khata ‘me es calda’
- ni-khata ‘tu es calda’
- khata ‘el es calda’
- u-khata ‘nos (incl) es calda’
- u-khata-pi ‘nos (escl) es calda’
- ni-khata-pi ‘vos es calda’
- khata-pi ‘los es calda’
2. ativa nontransitiva
- wa-hi ‘me ariva’
- ya-hi ‘tu ariva’
- hi ‘el ariva’
- u-hi ‘nos (incl) ariva’
- u-hi-pi ‘nos (escl) ariva’
- ya-hi-pi ‘vos ariva’
- hi-pi ‘los ariva’
3. ativa transitiva
- wa-kte ‘me mata el’
- wicha-wa-kte ‘me mata los’
- chi-kte ‘me mata tu’ (chi = me > tu)
- ya-kte ‘tu mata el’
- wicha-ya-kte ‘tu mata los’
- wicha-ya-kte-pi‘vos mata los’
- ma-ya-kte ‘tu mata me’
- u-ya-kte-pi ‘tu mata nos’
- ma-ktea ‘el mata me’
- ni-kte-pi ‘los mata tu’
- u-ni-kte-pi ‘nos mata tu’
- wicha-u-kte ‘nos (incl) mata los’
(Nota como la person tre no es indicada.)