Curdistan

De Vicipedia
Jump to navigation Jump to search
Flag of Kurdistan.svg
Bandera nasional
Kurdish-inhabited area by CIA (1992).jpg

Curdistan (curdi: كوردستان, leteral "pais de la curdis") es un area en Asia sude-ueste cual es abitada xef par la curdis. Lo inclui partes de Turcia este, Irac norde, Iran norde-ueste, Suria norde, e partes peti de Azerbaidjan e Armenia. Curdistan inclui la Zagros e la parte este de la Tauros. De punto de vista political, sola Curdistan en Irac (capital: Circuc) es ofisial reconoseda par la comunia internasional. En Iran, curdis es ofisial reconoseda como un minoria, e un provinse nomida Curdistan esiste ala.

La Curdistan iraci ia gania autonomia en 1970 par un acorda con la governa iraci, e sua state ia es reconfirmada como un autonomia con la republica federal iraci en 2005. Lo esiste un provinse con la nom de Curdistan en Iran, cual no es autogovernada. La curdis ci luta en la gera interna suri ia pote controla grandes partes de la norde la pais como forsas governal, fidosa a Bashar al-Assad. A pos de la gera en Suria, los ia demanda autonomia en un Suria federal.

Jeografia[edita | edita la fonte]

Montes[edita | edita la fonte]

La montes es un cualis simbolin e jeografial importante de la vive curdi, como es atestada par la diseda "la curdis no ave otra amis ce la montes". La montes es videda como santa par la curdis. En la rejion es incluinte la Monte Iudi e Ararat (ambos importante en la folclor curdi), Zagros, Qandil, Shingal, Abdulaziz, la Montes Curdi, Jabal al-Akrad, Shano, Gabar, Hamrin e Nisir.

Popla[edita | edita la fonte]

La curdis es un popla de orijina indoeuropean. Los parla un lingua de orijina irani conoseda como curdi, e ensirca la majoria de la popla de la rejion. La plu parte de la abitores es muslim ma ance esiste otra relijios como eziditis, cristianes e, en la pasada, multe iudis, ci ia migra a Israel.