Cultur Kura-Araxes

De Vicipedia
La cultur Kura-Araxes es representada par la area gris

La cultur Kura-Araxes, o la cultur transcaucasian temprana, ia es un sivilia cual esiste de sirca 4000 aec asta sirca 2000 aec, cual ia es la dato tradisional sujestada per sua fini; en alga locas, lo es posible ce lo ia desapare tan temprana como 2600 o 2700 aec. La evidentes la plu temprana per esta cultur es trovada sur la plano Ararat; lo ia sperde a norde en la Caucasos par 3000 aec, ma nunca ateni Coltxis.

La cultur transcaucasian temprana ia envolveda un area vasta de sirca 1000 km par 500 km, e cuasi intera incluida la teritorios moderna de la Caucasos sude (estra Sacartvelo), Iran norde-ueste, la Caucasos norde-este, Turcia este, e tan distante como Suria.

La nom de la cultur es derivada de la vales de la Rio Kura e Rio Araxes. La cultur segueda la cultur Xulaveri-Xomu, e ia es segueda par cultures en Suria e Canan pos la cade de la Impero Acad, sirca 2000 aec.

La opina jeneral es cu la popla ia parla un lingua relatada a hurian, urartian, e caucasian norde-este, cual composa un familia ipotesal no universal asetada. Lo es probable ce linguas asendente de cartuli ia es ance presente, e lo es posible ce los ia es en contata con popla ci ia parla linguas semita e linguas indoeuropean.

La sosia pare composada de un varia de influes, cual resulta en un misca de tradisiones. Per esemplo, rexercores ia trova multe formas diferente de entera, e la arciteta ia inclui casas ronda con sola un sala, casas retangulo con multe salas, e an viletas de casas liada sirca un area comun a sentro. Los ia pratica xef cultiva prosima la rios, ma plu tarda los ia comensa pratica pastoria. La cultur ia es conoseda per sua vasos, metalurjia, e vinocultur.