Corea

De Vicipedia

Corea es un pais istorial en Asia este, e de cuando 1945 lo ia es divideda a en du statos autonom separada: Corea Norde (o Txoson; nomida ofisial la Republica democrata popular de Corea) e Corea Sude (o Tehan). Lo es en la penisola corean, cual es bordada par Xina en la norde-ueste e Rusia en la norde-este. Lo es separada de Nion en la este par Streta Corea e la Mar Japan.

Corea ia emerji como un nasion unida pos sentenios de disputa entre la Tre Renas de Corea, cual ia es unida como Sila en la sude e Balhae en la norde. A pos, Sila ia es divideda a en tre statos separada en la periodo tarda de tre renas. Goryeo, cual ia segue Goguryeo, ia vinse la du otra statos per uni la penisola corean. Sirca la tempo mesma, Balhae ia colasa e sua prinse erital final ia fuji sude a Goryeo. Goryeo (ance speleda como Koryŏ), la nom de cual ia developa a la esonim moderna "Corea", ia es un stato alta culturada cual ia crea la tipo movable metal prima de la mundo en 1234. An tal, multe invades par la dinastia iuan de la mongoles en la sentenio 13 ia debili multe la nasion, cual ia acorda a fini per deveni un stato vasal pos desenios de batalia. Pos la colasa de la dinastia iuan, disputa political sever ia segueda, e Goryeo ultima cada par causa de un colpa cual ia es gida par jeneral Yi Seong-gye, ci ia fundi Joseon en 1388.

La 200 anios prima de Joseon ia es marcada par pas relativa, e en esta tempo Sejong la grande ia crea hangul en la sentenio 15, e la influe de confuzisme ia crese. En la tarda de la dinastia, par contrasta, la politica isoliste de Corea ia gania se la nometa de la "Rena Eremital" en la ueste. En la tarda de la sentenio 19, la pais deveni la ojeto de desinia imperal par la Impero de Nion. Pos la gera prima entre Rusia e Nion, an con atentas per moderni par la Impero Corean, cual Nion suportada, en 1910 Corea ia es propri par Nion e ia permane un parte de Nion imperal asta la fini de la Gera Mundal Du en agosto 1945.