Bradipo

De Vicipedia
Jump to navigation Jump to search
Bradipo tre ditos
La estende de abitadas de bradipos: verde - B. variegatus; blu - B. tridactylus; roja - B. torquatus; purpur - B. B. pygaeus

Bradipos es un grupo de mamales cual abita la arbores, composante la suordina Folivora. Notada per la lentia de sua moves, los vive la plu de sua vives pendente inversada en la arbores de la forestas pluvosa tropical de America Sude e America sentral. Los es vide como la plu relatada a formicores, e con lunlotra los composa la ordina Pilosa.

On ave ses spesies esistente en du jeneros: Bradypus (bradipos con tre ditos) e Choloepus (bradipos con du ditos). An tal esta nomes tradisional, tota bradipos ave tre ditos a cada gama posterior, ma la Choloepus ave du ditos a sua gamas anterior. La du grupos es de familias diferente e relatada sola distante, e es suposada como evolui sua morfolojia par evolui paralel de asendentes teran.

En ajunta a la spesies esistente, multe spesies de bradipos cual abita la solo pote es tan grande como elefantes como la bradipo teran (Megatherium), abitante America Norde e Sude en la epoca plestosene. Ma los deveni estinguida en la aveni de estingui de la cuatronaria. La estingui corelata con a ariva de umanas, ma cambia de clima pote es ance un contribui. La membros de la bradipos de la Caribe ia vive orijinal en la Antiles Grande, e inclui forma teran e arboran cual ia deveni estinguida pos umanas ia coloni la arcipelago en la olosene media, sirca 6000 anios ante aora.

Bradipos ave un metaboli multe basa e move multe lente. Esta suporta sua dieta de folias, cual furni min enerjia, e resulta en la evita de deteta par la falcones e gatos cual xasa par vide. Bradipos es cuasi sin defendes sur la tera, ma es capas de nada. La pelo pelosa ave capeles ranurida cual es ospitor a la alge verde simbiosica, cual camofla la animal en la arbores e furni lo nurintes. La alge ance nuri papilios de bradipos, alga spesies de cual esiste sola sur bradipos.